Popular Bible Verses from 1 Timoteo 3

Share

Homin doda a na-pakaalagá yadtin ampi-polon tamo a impatandaan nan Dios kontamo: Yay Dios ay naglalaman tawo. Impatandaan mismo nin Ispirito na a hiya kot maptog. Na-kit yan aw-anghil. Impangaral ya maski konlan ambo Israelita. Ampi-polon ya nin lako a tawtawo ha intiron mondo, tan tinanggap ya ha langit.

Yay ma-moon ha gropo nin antompol ay kailangan homin maipintas kona, asa-say kaambali, sohito nay sarili, matino, marangal, mapanalabat, maronong manoro

Kailangan labah yay namaot mangawit pamilya, pati konlan laloma ot a kalamoan na ha bali, anhonolon tan an-igalang la yan awa-nak na.

Hilay katambay ha pangongo-na ha gropo nin antompol ay kailangan asa-say kaambali tan labah mangawit pamilya, pati konlan laloma ot a kalamoan la ha bali. Nga-min, no maptog hila ha pa-magsirbi la bilang katambay ha pangongo-na ha gropo nin antompol ay igalang hila tan makhaw a nakom lan mamibalita nin tongkol ha katotpol la koni Jesu-Cristo.