Popular Bible Verses from Rɔmʋkʋɛ 10

Share

'Bɩa ꞊nɩɩ lɛ po, 'ke 'o nahuin ye, ‑ɛ mɔ, ‑Yusu mɔ Kʋkɔnyɔ'ɔ nɩ, kɔ, 'bɩa ꞊nɩ pui ‑tɛɛ, 'ke 'le ‑na ꞊wlʋ ke, ‑ɛ mɔ, Nyɩsʋa ‑hɩɔ 'le 'kʋkʋnyʋ ‑hɛyri nɩ, 'plɩɩ 'ɔ ‑hɩɔ 'klɔ, ‑ye Nyɩsʋa a ‑gbɛ, ɔ di ‑mʋ 'nɩ waa.

'Bɩa ꞊ba kuo ‑Yusu ꞊wlʋ ye ‑tɛɛ, ‑ye Nyɩsʋa 'sii 'o ‑a mʋ ye, 'ke 'o 'a dɩɔnʋ ye. Kɔ, 'bɩa ꞊baa lɛ po, 'ke 'o nahuin ye, ‑ɛ mɔ, ‑Yusu mɔ Kʋkɔnyɔ'ɔ nɩ, ‑ye Nyɩsʋa di ‑a mʋ 'nɩ waa.

'A ‑tɩ, ꞊hapʋtitie, ‑ɛɛ ‑Yusu 'Klɩsʋ a ‑tɩ ‑wɔn lɛ na, lɛleenyɔ kɔ bɔ gbɛ 'le nahuin ‑wɔn, 'plɩɩ ʋ 'mue 'wɔn. Nahuin, ʋ kɔ bʋ 'wɛn, 'plɩɩ ʋ 'mue ꞊wlʋ ye kuo.

Kɛ ʋ nu la 'a 'crɩɩlɛ, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ: «'Ɛ nɩ nahuon 'bɔ nɩ 'o, 'bɔ kuo ꞊wlʋ ye, Nyɩsʋa dio 'nɩ waa.» Nahuon, ꞊betɩ bɔ 'ya ‑Juukʋɛyu 'mʋ, ꞊betɩ bɔ 'de ‑Juukʋɛyu, ʋ mɔ dɛɛ ‑do. Kʋkɔnyɔ mɔ nahuin 'bii a Kʋkɔnyɔ'ɔ nɩ. Nahuin 'bii, ‑ʋ nyo da, ɔ nyu 'mʋ nu ꞊hapʋdɛ, ‑ɛ 'we ꞊nɔ ye, ‑tɛ ʋ nu la 'a 'crɩɩlɛ, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ: «'Ɛ nɩ nahuon 'bɔ nɩ 'o, 'bɔɔ Kʋkɔnyɔ Nyɩsʋa da, 'ke 'le 'a ꞊wlʋ a yekuolɛ 'kwli 'mʋ, ‑ye Kʋkɔnyɔ a ‑gbɛ, ɔ dio 'nɩ waa.»

'Bɩa Nyɩsʋa a nahuin 'bʋ 'nɩnɩ lee 'le ꞊nʋ tɔɔnyʋ ‑wɔn, nahuon ꞊de 'deɛ bɔ ꞊tu ꞊nʋ Nyɩsʋa a ‑tɩ ye. Nɛ‑ ʋ 'crɩɩ la, 'ke 'le Nyɩsʋacrɩɩnɩɛ 'kwli 'mʋ, ‑ɛ mɔ: «Nahuin ‑gbo, ‑ʋʋ ꞊hapʋtitie po, ʋʋ nu 'yilɛnɔ‑kʋan, 'waa 'ledidie, ɛ mɔ 'manʋdɛ'ɛ nɩ.»

Kɛ ‑tɩ nɩ 'mʋ. Nahuin 'bʋ 'de Kʋkɔnyɔ ꞊wlʋ ye kuo, ʋ 'deɛ bʋ dɔ, 'ke bɔ dii ꞊nʋ ke. 'Bʋ 'de 'a 'dʋ 'wɔn, ʋ 'deɛ bʋ kuo ꞊wlʋ ye. Nahuon ꞊de 'bɔ 'de ꞊nʋ Kʋkɔnyɔ a ‑tɩ ye ꞊tu, ʋ 'deɛ bʋ 'wɔn 'a 'dʋ.

‑Tɛ ‑Yusu 'Klɩsʋ di la nɔ 'klɔ ke, ɔ ꞊tuu 'o Moise a tetei nɩ. Nɛ‑ kɔ 'kwli 'mʋ, ɔ naa 'le, tetei 'ɩ 'de kɛ lele 'klɩ kɔ, 'ke bɩ waa nahuin. 'Ɛ mɔ ‑tɛɛ, ɛ 'de tetei a 'o꞊tuulɛ, ɛ 'nɩ nue ꞊le, ‑a 'nɩ 'sii ꞊le 'o ye, 'ke 'o Nyɩsʋa ye, kɛɛ, ‑ba kuo ‑Yusu 'Klɩsʋ ꞊wlʋ ye, nɛ‑ nye nu, ꞊aa 'o ye 'sii, 'ke 'o Nyɩsʋa ye.