Popular Bible Verses from Filipʋkʋɛ 2

Share

'Bɩa 'baa dɛ nu, a nɩ ‑hie 'le 'a nɩ dɩɔnʋʋ ‑do a dɛ 'lu ‑wɔn lɛ, kɔ, a nɩ 'yaa 'le 'le 'a nɩ dɩɔnʋ, kɛɛ, ba ꞊tɩɔ 'le 'a nɩ dɩɔnʋ 'le. Ba 'ye, ‑ɛ mɔ, 'a nɩ 'bienʋ, nʋ‑ nɩ 'o 'a mʋ 'lu ye. Nahuon 'bɔ nɩ 'o, 'yilɛnɔ‑tɔplɩ ꞊nʋ, ‑ɩ di 'a 'bienʋ 'mʋ ‑hɛ, nɩ‑ bɔ nu. A nɩ nu 'le ‑tɔplɩɩ ‑do ꞊nʋ, ‑ɩɩ a ‑do 'mʋ ‑hɛ.

'Lu a lɛ‑hielɛdʋ ꞊nʋ, ‑Yusu 'Klɩsʋ kɔ la, nɛ‑ ba kɔ.

꞊Betɩ ‑Yusu bɔ 'ya Nyɩsʋa 'mʋ, ɔ 'de la ca kɔ, 'ke bɔ ‑hɛ ‑tɛ Nyɩsʋa nɩ 'mʋ. Kɛɛ, ɔ hie 'o Nyɩsʋatu ꞊nʋ gbo, 'ɔ ‑hɛ Nyɩsʋa a ‑kʋannunyɔ, 'ɔ ‑hɛ ‑wɛ ‑tʋnahuon. ‑Tɛ ɔ ‑hɛ ‑tʋnahuon, ‑ye ɔ ꞊tɩɔ 'le 'a dɩɔnʋ nɩ, 'ɔ ꞊tuu 'o Nyɩsʋa, 'ɔ 'kʋ ‑wɛ. 'Kʋkʋɛ a ‑gbɛ, ɔ 'kʋ, nɛ‑ mɔ bʋ kʋɔ 'o tu 'yie 'mʋ, ‑ɛ mɔ ‑tʋɩ'kʋkʋɛ.

‑ɛ nue, Nyɩsʋa a ‑gbɛ, ɔɔ nu ‑kʋan, 'ke 'le 'a nɩ ꞊wlɩ ke, ‑ɛ die nu, ‑tɔplɩ ꞊nʋ, ‑ɩɩ 'a plɔ blee, a 'mui 'mʋ nʋɛ, kɔ a 'mui ‑wɛ nu.

Nɛ‑ nue, Nyɩsʋa 'ɔ 'yɔɔ 'o, 'ɔ nɩ 'o ‑tɔplɩ 'bii 'lu ye, 'ɔ ꞊tue ꞊nɔ 'dʋ ꞊nʋ, ‑ʋ nɩ 'o 'dʋɩ 'bii 'lu ye, ‑ɛ die nu, nahuin 'bii, kɔ 'ɛ nɩ dɛ ꞊de 'hɛɛn, 'ke 'le yakɔ 'mʋ, kɔ, kɛ nɔ ‑tʋtʋ ke, kɔ, 'ke 'le ‑tʋtʋ gbo, 'bʋʋ ‑Yusudʋ 'wɔn, ʋ 'bii a ‑gbɛ, ʋ 'mʋ 'le di, ʋ 'muo kwlɩ ye gbo bla, 'ke 'o 'a 'o꞊tuulɛ a ‑ta 'mʋ. 'Ɛ nɩ nahuon, 'bɔ nɩ 'o, ɔ di 'nɩ ꞊tu, ‑ɛ mɔ, ‑Yusu 'Klɩsʋ, nɔ‑ mɔ Kʋkɔnyɔ. ‑Ye ʋ di 'a Bu Nyɩsʋa ‑nyi ‑tɩ a 'yi'bʋaalɛ.

'Ɛ nɩ dɛ ꞊de, aa nu, a nɩ 'pʋprɛ 'le wlɔn 'mʋ lɛ, kɔ, a nɩ po 'le ‑wɛ ꞊yʋɛ, ‑ɛ die nu, a 'mʋ 'o ye 'sii, 'yilɛnyredɛ ꞊de 'nɩ ꞊han 'le 'a mʋ 'mʋ nɩ, kɔ, a 'mʋ Nyɩsʋa a 'yuo꞊pli ꞊nʋ 'mʋ 'ya, ‑ʋ 'nɩnɩ nu dɛ 'klan ꞊de. 'Ke a nɩ 'le nahuin ꞊nʋ ‑hɛyri, ‑ʋʋ 'waa 'bienʋ kaa, 'plɩɩ ‑ʋ kɔ 'klɔ nyre 'yi lɛ. 'Ke 'le nahuindʋ a ‑gbɛ ‑hɛyri, a kɔ ba 'we ꞊nɔ yahroyɔ ye, ‑ɔɔ wlɩn.

'Na nɩnatumupʋ ‑a, ‑tɛ a yie, ‑tɛ ‑Yusu nu Nyɩsʋa a 'o꞊tuulɛ, 'a nɩ ‑gbɛ, a kɔ ba ꞊tuu ‑wɛ 'o Nyɩsʋa. Ti ꞊nʋ ‑kɔ 'yri 'n nɩ la 'le 'a mʋ ‑hɛyri, a nyo la 'o 'nɩ ꞊tuu. ‑Tɛ 'n 'de 'klɛɛ 'le 'a mʋ ‑hɛyri nɩ, a kɔ ba ꞊tuo ‑wɛ 'o, ɛ 'mʋ 'o 'a 'o꞊tuulɛ ꞊nʋ 'mʋ ‑hi, a kɔ la, 'ke 'o ꞊nɔ ‑wɔn, ti ꞊nʋ ‑kɔ 'yri 'n nɩ la 'le 'a mʋ ‑hɛyri. Ɛ ꞊hɛn 'nyrɛ, waalɛ ꞊nʋ, Nyɩsʋa waa 'a mʋ, ɛ nye 'nɩ ‑hʋa, 'ke 'le 'a nɩ 'pɩa ke, 'ke ba nu ‑kʋan, 'ke 'le Nyɩsʋa a pɩpɩɛ 'kwli 'mʋ