Popular Bible Verses from Sakɩ 4

Share

'A ‑tɩ, ba ꞊tɩɔ 'le 'a nɩ dɩɔnʋ, 'ke 'o Nyɩsʋa ye. Ba ‑wɔn 'kuo ‑hʋɩn a nyɩgblaka ye, ɔ 'mʋ 'a mʋ ‑wɔn hren.

Ba 'mʋɛɛ Nyɩsʋa ye, ɔ 'mʋ ‑wɛ 'a mʋ ye 'mʋɛɛ. 'A mʋ dɛ'kukununyʋ, a nɩ nu 'le 'klɛɛ lele dɛ 'kuku. 'A mʋ ꞊nʋ, ‑ʋʋ 'lii 'hɔn naa, 'a nɩ ꞊wlɩ bɩ 'sii 'o ye.

Ba ꞊tɩɔ 'le 'a nɩ dɩɔnʋ, 'ke 'o Kʋkɔnyɔ Nyɩsʋa ye, ɔ 'mʋ 'le 'a mʋ 'yaa.

‑Ye 'klɛɛ, Nyɩsʋa, ɔɔ ‑a mʋ ‑nyi 'klɩ, 'ke 'le ‑gbʋgbɛkɔ 'kwli 'mʋ, 'ke ‑ba ‑wɔn 'yilɛnyre‑tɔplɩ 'bii ꞊nʋ ye, ‑ɛ 'we ꞊nɔ ye, ‑tɛ ʋ nu la 'a 'crɩɩlɛ, 'ke 'le Nyɩsʋa a 'crɩɩnɩɛ 'kwli 'mʋ, ‑ɛ mɔ: «Nyɩsʋa 'nɩ ‑hʋa ꞊le nahuin ꞊nʋ, ‑ʋʋ 'le 'waa dɩɔnʋ 'yaa, kɛɛ, nahuin ꞊nʋ, ‑ʋʋ 'le 'waa dɩɔnʋ ꞊tɩɔ, nʋ‑ ɔɔ ꞊hapʋdɛ 'mʋ nu, 'ke 'le ‑gbʋgbɛkɔ 'kwli 'mʋ.»

'A ‑tɩ, ba kɔ 'a yiyie, nahuon ꞊nʋ, ‑ɔ yi ꞊hapʋdɛ a nulɛ, 'plɩɩ ‑ɔ 'nɩnɩ nue, nahuon a ‑gbɛ, ɔɔ nu dɛ 'kuku.

꞊Betɩ ba ‑hʋɩ Nyɩsʋa, ɔ 'nɩ ‑nyi ꞊le 'a mʋ nɩ, ‑ɛ nue, ‑tɛ aa 'a ‑hʋhʋa nu, ɛ 'nɩ blee ꞊le 'a plɔ. ‑Tɔplɩ a ‑gbɛ, a nyi 'nɩ ‑hʋa, ‑ɛ die nu, a ‑do, a 'mʋ plɔ a bleelɛ kɔ.

‑Tɛ ‑wlawlinyrɔɔ nu, 'ɔɔ 'o 'a tɔ gbo hie, 'ɔɔ ‑wlawli nu, kɛ aa nu, 'aa 'o Nyɩsʋa gbo hie, 'a nʋɛ 'klɔ ‑gbo ke a 'yilɛnyre‑tɔplɩ 'mʋ. Ba kɔ 'a yiyie, nahuon 'bɔ nʋɛ ‑tɔplɩdʋ a ‑gbɛ 'mʋ, ‑ye ɔ yraa Nyɩsʋa nɩ. 'Nɩɩ lele 'a mʋ 'nɩ le, nahuon ꞊nʋ, ‑ɔ nʋɛ 'klɔ ‑gbo a 'yilɛnyre‑tɔplɩ 'mʋ, nɔ‑ kɔ ꞊wlʋ yraa Nyɩsʋa.

'A mʋ a ‑gbɛ, ‑ʋʋ lɛ 'pʋprɛ nu, ꞊be dɛ, ‑ɛ di ‑ŋa 'lu ‑wɔn mue, a yie nɩ? ‑Hʋnhlʋn ꞊nʋ, aa po, ʋ 'we ꞊nɔ ‑jru ye. 'Bʋ 'hrɩ, 'ke 'le ti gbi 'kwli 'mʋ, tii ‑do a ti 'yri, ‑ye ʋ ‑gbɛ 'le lɛ.