Popular Bible Verses from 2 Tesalonikɩkʋɛ 2

Share

A nɩ wɩɩn 'le ke gbe, 'ke nahuin bʋ kaa 'a mʋ. Ba kɔ 'a yiyie, 'plɩɩ ‑nyrɔwɔ a ‑gbɛ, ɔ 'mʋ 'o mu nyre, nahuin 'plɔplɔ di 'o Nyɩsʋa a 'hru gbo 'nɩ hie, kɔ, 'Crɛnyɔ gblaka ꞊nʋ, Nyɩsʋa di ‑tado 'le na 'mʋ po, nɔ‑ di 'a ‑kʋan ‑wlu ꞊tu.

'Dɩayuo ‑a, 'a mʋ ꞊nʋ, Nyɩsʋa nʋɛ 'mʋ, ɛ nɔɔ 'o lɛ, 'ke ‑ba ‑nyo 'wio 'ɛ nɩ ti, 'ke 'o 'a nɩ ‑ta 'mʋ, ‑ɛ nue, ‑tɛ Nyɩsʋa 'mʋ la 'klɔ ‑wlu mu ꞊tu, ɔ ‑ha la 'le 'a mʋ 'mʋ du, 'ke bɔ waa 'a mʋ, 'ke 'le 'a ‑Hihiu a 'klɩ 'kwli 'mʋ. 'A ‑Hihiu a ‑gbɛ, nʋ‑ nue, 'a ‑hɛ Nyɩsʋa a nahuin. Ɔɔ ‑wɛ 'a mʋ 'nɩ waa, ‑ɛ nue, a kuo ‑tɩ a ‑tɛɛ ye ꞊wlʋ.

'Crɛnyɔ a ‑gbɛ, ɔ di nahuin 'nɩ le, bʋ 'kee 'ɛ nɩ dɛ ꞊de a dɩda, mɔ ꞊betɩ Nyɩsʋa. Ɔ di ‑wɛ 'nɩ ꞊tu, ‑ɛ mɔ, 'ke ɔ nɩ 'o 'ɛ nɩ dɛ ꞊de 'lu ye, ɔ 'mʋ ‑wɛ 'le Nyɩsʋa a 'kagblaka ꞊nʋ gbo pa, ɔ 'mʋ 'le gbata ꞊nʋ wlɔn gbo nɩ, ɔ 'mui ꞊tu, ‑ɛ mɔ, nɔ‑ mɔ Nyɩsʋa.

‑A nɩ Kʋkɔnyɔ ‑Yusu 'Klɩsʋ a ‑gbɛ, ɔ kɔ ‑a nɩ Bu Nyɩsʋa, ‑ɔ nʋɛ ‑a mʋ 'mʋ, bʋ ꞊tu 'le 'a mʋ ꞊wlʋ 'kwli 'mʋ gbo, kɔ, bʋ ‑nyi 'a mʋ 'klɩ, 'ke ba nu ꞊hapʋ‑tɔplɩ, kɔ, 'ke ba ꞊tu ‑wɛ ꞊hapʋ‑tɩ 'ɛ nɩ ti. ‑Tɛ Nyɩsʋaa ‑a mʋ ꞊hapʋdɛ 'mʋ nu, ɔɔ ‑a mʋ ‑nyi 'klɩ 'ɛ nɩ ti, kɔ, 'ɔɔ ‑a mʋ 'mʋ ‑hɛ, 'ke ‑ba ‑pre ꞊hapʋdɛ ꞊nʋ, ‑a yi, ɔ di ‑a mʋ ‑nyi.

‑Tɛ ʋ 'nɩnɩ ‑hʋa Nyɩsʋa, Nyɩsʋa nye 'nɩ nu, 'waa 'lu a lɛ‑hielɛ 'ɛɛ ke muu, kɔ, 'ʋ kuo hɩ ꞊wlʋ ye.

'Crɛnyɔ a ‑gbɛ, 'bɔ bi pepe' 'mʋ, ɔ di 'le 'nɩ di, 'ke 'le Satan a 'klɩ 'kwli 'mʋ, ɔ 'mʋ 'ŋmilɛka‑tɔplɩ a gblegblei nu. 'Ŋmilɛka‑tɔplɩ a ‑gbɛ, nɩ‑ ɔ di nu, ɔ 'mʋ nahuin kaa. Ɔ di nu 'yilɛnyre‑tɔplɩ a gblegblei, ɔ 'mʋ nahuin ꞊nʋ kaa, ʋ di 'le na ꞊nʋ 'mʋ po, ‑ɔ 'nɩnɩ jre gbe. Nahuin a ‑gbɛ, ʋ di 'ye ꞊sʋɛ, ‑ɛ nue, ʋ 'nɩ ‑hʋa ꞊le ‑tɩ a ‑tɛɛ, 'ʋ 'di 'mʋ nʋɛ. 'Bɩa 'bʋ wɛɛn wɛn ‑tɩ a ‑tɛɛ ke, Nyɩsʋa diu wɛn 'nɩ waa.

'Ɛ mɔ ‑tɛɛ, ‑tɛ ti nɩ lɛ 'mʋ ‑gbo, nahuin 'plɔplɔ, 'ʋʋ Nyɩsʋa ye ‑wɔn. ‑A yi 'klɩ ‑hʋɩn a ‑gbɛ nɩ, ‑ɛ nue, Nyɩsʋa, nɔ‑ tʋɩ ‑a mʋ. ‑Tɩ ‑gbo, 'nɩɩ ꞊tu, ɩ di 'o 'nɩ nyre, kɛɛ, ɩ 'de wɛn 'o a nyree. Ɛ nye 'nɩ ‑hʋa, 'ke nahuon ꞊nʋ, ‑ɔɔ 'Crɛnyɔ a ‑gbɛ ye ka, bʋ ‑hɩɔ 'o 'hru wlɔn