Popular Bible Verses from 2 Kolɛtɩkʋɛ 6

Share

Nahuin ꞊nʋ, ‑ʋ 'de ‑Yusu ꞊wlʋ ye kuo, a kɔ ꞊nʋ 'hɛɛn, a nɩ pɛ 'le, ‑ɛ die nu, a 'nɩ ꞊han 'waa 'lu a lɛ‑hielɛ ‑wɔn kʋɛ. 'Be dɛ ‑gbo, ‑ɛ 'sii 'o ye, kɔ dɛ ‑gbo, ‑ɛ 'de 'o ye 'sii, ɩ 'die 'le ‑wɛ bɩ bibi 'yi 'mʋ lɛ. ‑Nyrɛ kɔ gbɩgbɩyrɩ 'hɛɛn, ɩ 'die 'le ‑wɛ bɩ bibi 'yi 'mʋ lɛ.

'Ke 'le Nyɩsʋa a kayu gbo, ꞊wɛhɩi 'de 'le nunu‑kʋan kɔ. ‑A ‑mɛ ‑ye, ‑a mɔ mɔ 'Klɔhienyɩsʋa a kayuu nɩ. Nyɩsʋa ‑mɛ ‑ye, ɔ nɩ 'klɔ, 'ke 'le ‑a mʋ ‑gbahlɔn, ‑ɛ 'we ꞊nɔ ye, ‑tɛ ɔ nu la 'a ꞊tutue. Kɛ ɔɔ la po: «'Ke 'n diu 'le ‑gbahlɔn nɩ, ʋ kɔ 'mʋ 'hɛɛn, ‑a 'mʋ 'o ‑tɛgbii ‑do nɩ, 'mʋ 'waa Nyɩsʋa 'mʋ 'ya, ʋ 'mʋ ‑wɛ 'na dakʋ 'mʋ 'ya, ʋ 'mʋ 'mʋ da.»

Nɛ‑ nue, Kʋkɔnyɔ Nyɩsʋa 'ɔɔ 'a nahuin le: «Ba ‑hɔn 'le nahuin ꞊nʋ ‑gbahlɔn 'mʋ, ‑ʋ 'de 'mʋ yi. Nahuindʋ a ‑gbɛ, a kɔ ꞊nʋ 'hɛɛn, a nɩ nɩ 'le 'o ‑tɛgbii ‑do. A nɩ 'tʋ 'le ‑tɔplɩ ꞊nʋ lɛ, ‑ɩ 'de 'o ye 'sii, 'ke 'o 'mʋ ye. Nɛ‑ die nu, 'mʋ 'a mʋ ke wɛɛn. ‑Ye 'n di 'ya 'a nɩ Bu, a 'mʋ 'na 'yuo꞊pli 'mʋ 'ya. 'Mɔ 'Klɩkenɩnyɩsʋa'a nɩ, ‑ɔɔ 'prɛ.»

‑Yusu 'Klɩsʋ kɔ Satan 'hɛɛn, ʋ 'die ‑wɛ 'le ‑wɛ bʋ yiyrii win 'mʋ lɛ gbe. Nahuin ꞊nʋ, ‑ʋ kuo ‑Yusu ꞊wlʋ ye, kɔ, nahuin ꞊nʋ, ‑ʋ 'dio ꞊wlʋ ye kuo, ʋ 'deɛ bʋ kɔ ꞊wlʋgbloo ‑do.