Popular Bible Verses from Proverbo 16

Share

Akdawen mo o kabendision dimo no Apo taya do plano mo sa tapian mapatongtong o ichahoho mo.

Imo o mayplano, pero no Dios o mapawnot dimo do mismo logar mo a parinyen.

No matanoy a vahevahey am mawnawnas a adngeyen as mapagsal so viay.

Maparin ta mayplano, pero mian do Apo taya o kapakatongtong na.

Mapipia o karakoh no pasinsia mo as kano karakoh no ipakapamarin mo. Mapipia o kayan no kontrolado mo so karakohan mo as kano kayan no ipakapamarin mo a omkontrolado so kavahayan sa.

Arava o pangwanan no kahambog an dia no pakasnekan kano kararayawan.

Maparin mo a vatahen do aktokto mo o kapayanong no atavo a parinyen mo, pero no Apo taya o makapanmo so somnivog a mian do aktokto mo.

Kapiahen mo a intindien o nanawo dimo tapian matodah mo o ichakey mo. Pangayen mo do Apo taya o saray mo tapian mian o somnivog a kasoyosoyotan mo.

Mapipia o dekey a naho do malinis a paraan as kano rakoh a kartos a yapo do matayo a paraan.

Maparin a panahanan a mangwan do kararayawan o tori mo a hahawen a mapia.

No marahet so chintokto am maytokos so inanahet. Mapasitnan sa ya so kapaydidiman kano manrarayaw sa ya so mapia a kayvayvan.