Ne is Megbevayà he Menluluwas tew, hein neuma is timpu te kebpaahaa zin kenita te gag̵ew zin wey ketulanged din, midlibri ki zin te silut. Iyan ingkelibriya zin kenita is: kenà tenged te menge metazeng he ulaula he nehimu ta, kekenà, tenged dà te hizu zin kenita. Midlibri ki zin pinaag̵i te kedlumpiyuwi kenita he iyan is kebpeuman ta kebpaanak pinaag̵i te g̵ehem te Wag̵as he Mulin-ulin he nekeveg̵ey kenita te veg̵u he untung. Midhimu te Megbevayà he mepurung ki meulini te Wag̵as he Mulin-ulin pinaag̵i te kebpehimatey ni Jesu Kristu he Menluluwas tew. Umba mid-ulaula zin heini su wey tenged te g̵ag̵ew zin kenita meisip ki zin he metazeng ne maangken ta is untung he wazà pidtemanan he iyan ebperetengen ta.