Popular Bible Verses from Impezayag 3

Share

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.

Nesayud a te langun he menge ulaula niw. Kenè kew meinit ne kenè kew zaan meg̵enew, he ke và dà egkeg̵iya, kenè kew menge kuntada ku ne kenè kew zaan menge sakup ku. Angin pezem ke meinit kew ne emun kenà, ne meg̵enew kew, iyan, geina te meg̵elimendew kew zà, idrepu ku sikiyu.

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.

Netuenan ku is menge ulaula niw. Ne minsan pa te pirapira kew zà he leg̵as, metinumanen kew te menge lalag ku ne wazè niw engkezi is kedtuu niw kediey. Umba, is gemawan he ibayè niw, mibpuwasan ku en ne kenè en egkelekevan te minsan hentei, he ke và dà egkeg̵iya, wazè en ebpekesanggen keniyu te ibpeulaula ku keniyu.

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Egkag̵i kew te, “Sepian kiw ne meupiya is kebpekesavuk tew ne wazè tew en kurang te minsan hengkey.” Ne minsan pa zutun, wazè niw metueni he mekehizuhizu kew utew su egkengeayuayu kew te kedtuu; nengelakap is isip niw wey nengelevasan kew su wazè niw menge metazeng he ulaula.

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Kenè kew lipezeng, kekenà, lig-eni niw is egkesamà he zesen te kedtuu niw su henduen be te egkeawè en. Netuenan ku he utew zekelà is kurang niw su is menge ulaula niw, kenà egkesuatan te Megbevayà.