Popular Bible Verses from Impezayag 22

Share

Iyan a sikan is alpa wey umiga, he ke và dà egkeg̵iya, kes ebpuunan wey kes egkepengkusan te minsan hengkey,” ke si Jesus.

Pemineg kew,” ke si Jesus, “meg̵aan e en ebpekeuma ne zutun edsuhulan ku is kada sevaha sumalà is mid-ulaula zin.

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Ne egkag̵i si Jesus te, “Meg̵aan e en ebpekeuma! Utew egkengelipey is langun he edtuman te menge lalag ku he impezayag keniyu kayi te libru.”

Wazè en dutun mezukilem ne wazè en kinahanglan he zuen pa sulù wey silà te andew su iyan sulù dan is Megbevayà he Nengazen te langun, ne edhadì sikandan te wazà pidtemanan.

Si Jesus he iyan ebpirma kayi te langun, ke sikandin te, “Benar iyan he meg̵aan e en ebpekeuma!” Ne ke siak te, “Uya, Jesus he Nengazen dey, hendini ke en!” Sikiyu is langun he menge g̵aked te Megbevayà, ikeg̵ag̵ew kew te Nengazen tew he si Jesus.

Siak si Juan. Ebpetizeenan ku is minsan hentei he nekezineg kayi te impezayag kediey he ibpesavut kayi te libru. Ke zuen minsan hentei he ed-umanan din te minsan hengkey heini is ibpesavut, id-uman te Megbevayà te silut kandin is menge idrasey he nekag̵i kayi te libru. Ne ke zuen minsan hentei he id-awè din kayi te ibpesavut he impezayag kediey is minsan hengkey, id-awà daan te Megbevayà is kandin he vahin dutun te veg̵as duen te kayu he ebpekeveg̵ey te untung he nekag̵i kayi. Ne id-awà daan diyà te kandin is ketenged din te ked-ubpà dutun te inged te Megbevayà he nekag̵i kayi te libru.