Popular Bible Verses from Impezayag 16

Share

Ne zutun nengetig̵um te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineg̵iyan he Hibriyuhanen. “Purungi niw pemineg̵a heini,” ke si Jesu Kristu, “su iring te kebpekeuma te tekawen is kedlikù ku. Is etew he kenà edlipezeng ne ed-endamen din is bisti zin, he ke và dà egkeg̵iya, ebpeebuten e zin, egkelipey sikandin dutun su kenà sikandin egkelevasan, he ke và dà egkeg̵iya, kenà sikandin dutun egkepeel-elezan.”

Ne haazà is ikeenem he velinsug̵uen, mid-ulaan din is lediyà he ziyà te kandin diyà te zekelà he wahig he egngezanan te Yupratis ne nemezahan dutun haazà is wahig su wey maandam is ibayà te menge hadì he ziyà ebpuun te zapit te edsilaan.

Menge mezaat he mulin-ulin haazà he zuen dan gehem te kebaal te egkengein-inuwan. Midsug̵ù sikandan su ibpetig̵um kandan is menge sundaru te langun he menge hadì dini te kelibutan su zutun te egkevantug he andew te kedsilut, egkengezaag sikandan te Megbevayà he Nengazen te langun.

Ne neehè ku zutun is tetelu he menge utew memekehandekhandek he mezaat he mulin-ulin he henduen be te vakbak. Midlepew is sevaha he ebpuun duen te vèbà te zekelà he deragun he iyan si Setanas, ne is sevaha, diyà medlepew puun te vèbà duen te langgam, wey is sevaha zuen medlepew te vèbà te ebpeneuven ni Setanas.

Ne g̵eina te nengetutung is menge etew zutun te utew meinit, midsumpalit dan is Megbevayà su iyan sikandin ebayàbayà dutun te kedresaya kandan, iyan, wazè dan iniyug̵i is memezaat he ulaula zan ne wazè dan daan bentug̵a is Megbevayà.

Ne haazà is egkehuna he velinsug̵uen, mid-ulaan din dini te kelibutan is lediyà he ziyà te kandin. Ne zutun, is menge etew he mibpemarka te tuus duen te langgam wey mid-azap dan haazà is ledawan dutun te langgam, midtuvuan sikandan te menge memahù wey utew memesakit he menge vekukang.

Ne zutun nengetig̵um te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineg̵iyan he Hibriyuhanen. “Purungi niw pemineg̵a heini,” ke si Jesu Kristu, “su iring te kebpekeuma te tekawen is kedlikù ku. Is etew he kenà edlipezeng ne ed-endamen din is bisti zin, he ke và dà egkeg̵iya, ebpeebuten e zin, egkelipey sikandin dutun su kenà sikandin egkelevasan, he ke và dà egkeg̵iya, kenà sikandin dutun egkepeel-elezan.”