Popular Bible Verses from Gelasya 5

Share

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki, kenè ki mevurut, wey egkeeg̵en ta is kebayà te lawa ta. Ne emun iyan heini menge ulaula ta, kenè ta egkesupak is menge sug̵ù kenita te Megbevayà.

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Ne is Wag̵as he Mulin-ulin, geina te mibeg̵ayan ki zin te veg̵u en he untung, kinahanglan he ebpevayàbayè ki zaan kandin.

Ne is minsan hentei he migaked en ni Jesu Kristu, ne iring te inransang din en te krus is mekesesalà he lawa zin, he ke và dà egkeg̵iya, mid-engkezan din en is menge mezaat he kebayè din wey egkesuatan din.

Egketuusan ta is menge mezaat he ulaula he egkehimu pinaag̵i te mezaat he kebayà te lawa su iyan is kedhilavet te kenè ta esawa, is meremerik wey mahawag he vaal, is ked-ezapa te kenà hustu he ed-ezapen, wey is kegemita te g̵ehem he ibeg̵ey ni Setanas. Ebpekigkuntada is menge etew; ebpekidtebek dan; egkesina zan; egkengepauk dan; iyan dà ed-isipen dan is kandan dà he egkesuatan. Ne ed-engkezan dan is kebpekidsevaha zan te menge zuma zan. Egkeimahan dan is menge azen te menge zuma zan. Egkengelangut dan, ne kenè dan ed-eg̵enen is menge kebayè dan he mezaat, kekenà, edtumanen dan, wey mezakel pa is ed-ul-ulahan dan he iring kayi. Ed-umanan ku te egkag̵i is migkag̵i ku he zaan he is etew he ed-ul-ulahan din is menge iring kayi, kenà sikandin ebpekeragkes te egkehedian te Megbevayà keuzemà.

Na, menge suled, tutuu iyan he impetuu ki te Megbevayà wey ki zin melibri ne wazè en kinahanglan he ebpeuripen ki te kesug̵uan. Ne minsan pa zutun wazè ki melibri su wey iyan mebayàbayà kenita is mezaat he kebayà te lawa ta. Kinahanglan he tenged te zekelà is gag̵ew tew te menge zuma tew ne medtitinevangà is kada sevaha kenitew te menge tumutuu.

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Is tivuuk he kesug̵uan he imbilinbilin ni Moises, ne egkepurung egketuman pinaag̵i te sevaha zà he sug̵ù he iyan heini: “Kinahanglan he purungi nu is duma nu. Isipa nu sikandin he iring te kenikew en he g̵ehinawa.”

Kinahanglan he kenè ki ebpelavew, kenè ki zaan ebpekidtebek te menge zuma he etew, kenè ki zaan egkesina te zuma ta.

Pinaag̵i te kebelukasi kenitew ni Kristu, nelibri kiw en te kedtumana te kesug̵uan. Umba, kinahanglan he edsukul kiw is mibelukasan su wey kenè kiw en maan meuripen.