Popular Bible Verses from Gelasya 3

Share

Minsan pa te nesupak te en is kesug̵uan, nelibri ki ni Jesus te silut su midrewakan en si Jesus he elili kenitew zutun te kedrensanga kandin te krus, su zuen insurat he Lalag te Megbevayà he edhenduen te, “Ke zuen etew he edhimetayan ne idtaud te impasek he kayu ne tuus heini te rawak kandin te Megbevayà.”

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Ne umba mibpehimatey si Jesu Kristu te iring dutun su wey pinaag̵i kandin ikeveg̵ey zaan diyà te menge etew he kenà menge Hudiyu is ketazeng he intuvad te Megbevayà ki Abraham. Ne pinaag̵i zutun sikitew is langun he edtuu ki Jesus, ebeg̵ayan kiw zin te Wag̵as he Mulin-ulin he impenaad dengan te Megbevayà.

Ne emun iyan haazà, ne egkesavut ta he wazà minsan hentei he metazeng is ked-isipa kandin te Megbevayà pinaag̵i te kedtumana te kesug̵uan su zuen insurat he Lalag te Megbevayà he edhenduen te, “Is minsan hentei he metazeng is ked-isipa kandin te Megbevayà pinaag̵i te kedtuu zin te Lalag te Megbevayà, iyan sikandin ebeg̵ayan te untung he wazè din pidtemanan,” ke sikandin.