Popular Bible Verses from 1 Timoteo 1

Share

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.

Ne minsan pa zutun, nehizuwan a g̵ihapun te Megbevayà su wey pinaag̵i te kebpelevaya zin kedì te utew lalung, ikepezayag ni Jesu Kristu he utew mepelevayen sikandin. Impezayag din heini su wey mesavut heini te langun he menge etew he edtuu kandin keuzemà ne ebeg̵ayan din te untung he wazà pidtemanan.

Ne kinahanglan he iyan ketezengan ke maan is idsug̵ù nu kandan heini su wey zan mahala is menge zuma zan diyà te g̵ehinawa zan. Ne kenà egkehimu he hustu is kebmahala ta te menge zuma ta emun wazè ki melumpiyuwi te Megbevayà duen te menge salè ta. Kinahanglan he iyan dà ed-ul-ulahan ta is netuenan ta he hustu ne kinahanglan daan he tutuu is kedtuu ta te tutuu he tuluuwen ne zutun human hustu is kebmahala ta te menge zuma ta.

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù, menge egkevut te kenè dan esawa, menge maama he egkeerig̵an te iring dan he maama, menge menggeg̵ebpà, menge teruen, menge ebpen-ulug te kewsa wey is minsan hentei he ebpekesupak is ulaula zin te hustu he tuluuwen.