Popular Bible Verses from 1 Kurintu 14

Share

Kenà egkesuatan te Megbevayà he mebperedredseey kew emun edtig̵um kew is edsimba kandin. Su kenà iyan in-ulin kenitew is kegkeliveg̵i, kekenà, iyan is melinawen he ulaula.

Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

Iyan, ke zuen etew he edseysayen din is impesavut kandin te Megbevayà, menge zuma zin mulà is egkelelag̵an din ne ebpeketavang heini su egkeheg̵et is kedtuu zan, ne egkesembag̵an sikandan, wey egkelig-enan is kebpekeantus dan te mereg̵en.

Ne haazà is etew he egkag̵i te kineg̵iyan he kenè din egketuenan, kandin dà he g̵ehinawa is egketevangan din. Iyan, haazà is etew he edseysayen din is impesavut kandin te Megbevayà, egketevangan din mulà is menge zuma zin he tumutuu.

Ne sikiyu, menge suled, geina te egkesuatan niw he meveg̵ayi kew te menge ketau he ibeg̵ey te Wag̵as he Mulin-ulin, kinahanglan he iyan niw vuyua is menge ketau he ebpekeheg̵et te kedtuu te langun niw te menge tumutuu.