Popular Bible Verses from 1 Kurintu 10

Share

Is minsan hengkey he ibpenuley kenita ni Setanas, ne kenà beg̵u su layun din en ibpenuley te menusiyà is iring dutun. Iyan, egkeserig̵an ta is Megbevayà su kenè din idtug̵ut he ebpenulayan ki te subra te egkeantus ta. Layun din ibeg̵ey kenitew is kelig-en su wey zuen paag̵i te kedlikayi ta he kenè ki mekeulaula te mezaat.

Ne iyan tavak ku zutun is: minsan hengkey he ed-ul-ulahan niw, te kegkaan niw wey te ked-inum niw, ne kinahanglan he iyan id-ul-ulaha niw zutun su wey mezalig is Megbevayà tenged te ulaula niw.

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.

Egkehimu, kun, he ed-ul-ulahan tew is minsan hengkey he meupiya. Ne venar iyan heeyan. Iyan, bahin kediey, iyan egkekag̵i ku is: mezakel is kenà meupiya he ed-ul-ulahan su kenà ebpeketavang. Minsan pa te egkehimu he ed-ul-ulahan tew is minsan hengkey, mezakel is ed-ul-ulahan he kenà ebpekeheg̵et te kedtuu te menge zuma tew.

Ne kinahanglan he kenè tew iyan dà ed-isipen ke hengkey is igkezeyzey te kenitew zà he keugelingen he kebpekesavuk, kekenà, kinahanglan he ed-isipen tew zaan ke hengkey is kegkepurungi tew te menge zuma tew.