Popular Bible Verses from 2 Tiselunika 1

Share

Tembù be layun dey ibpengeningeni sikiyu diyà te Eleteala su apey ke ulaula niyu te keduma ki Hisu Kristu ne edait dut te menge etew ne mibpemilì te Eleteala. Ne ebpengeningeni key rema te ibpepevayà rut te gehem te Eleteala ne edtevangan kew su apey ebpekegaga kew te edtuman te misan engkey en ne meupiya ne ulaula ne egkiyuhan niyu wey langun ne ed-ul-ulaan ne nerudsuan niyu mekeatag dut te kebperetiyaya niyu ki Hisus.

Ne ke kedtigker niyu te keresayan ne iring ketà ne arà se egkevaluy kew ne edait te ebpekeamung kew dut te Edetuan te Eleteala, ne edusaan din ini se ebpekesakit keniyu. Ketà be ne egkekita ke metidtu ne kegkukum te Eleteala. Su ebpekeuma ke hewii ne ibpeengked te Eleteala ke keresayan ne egkeheram ta guntaani, su ebpeimelayen ki ketà te kedlived ni Hisus kayi ne edumaan dut te mekegehem ne suluhuen din.