Popular Bible Verses from Aro 8

Share

Nipo tonse tuziŵa kuti Mulungu woyendesha vinthu mu njila yakuti vonse viŵawamile ŵanthu omutemwa nipo aphindule navo. Ŵanthu aŵa ni ŵamene ŵakuyita ngani mweciwamyila.

Nuziŵa mosakayika kuti paliye kanthu kangatipatule ku cinthemwa cake. Cukanga imfwa keno moyo, cukanga angelo keno viŵanda, cukanga vilipo lomba, keno vitivikawoneke ku nthangu, keno va mphamvu vilivonse, cukanga va kululu keno va pansi, keno soti kanthu kayakine kalikonse kolengewa, kangatipatulelini na cinthemwa ca Mulungu, ca tili naco mwa Kristu Yesu Asikulu ŵasu.

Mwamene umo soti Mzimu Mtuŵa otiyavya. Nise olefuka, osaziŵa mwatuwamila kulombela. Ni cikomo cake Mzimu Mtuŵa mwine wake otilombela na madandaulo osalaŵilika.

Nga lomba tilaŵile soti cinji pa ivi? Keno Mulungu ali ku citwa casu, angasushane nase ni ŵani?

Tetyo, lomba paliye mlandu wopingula ŵala onkhala mwa Kristu Yesu

Kumvwila unkhalo uyipa ni kufwa kwamene, koma kumvwila Mzimu Mtuŵa kuleta moyo na mtendele.

Yayi, pa vonse ivi nise opula ngako, cikomo ca Mulungu etitemwa.

Nusimikizyila kuti kutamana kwatukumvwa lomba, kulinganalini na ulemelelo watiakatiwululile Mulungu ku nthangu kwatikuya.

Paliye angatipatule na cinthemwa ca Kristu. Kansi ni mayezyelo, keno nkhawa, keno manzunzo, keno njala, keno wamba, keno coyofya, keno soti kupayiwa?

Nipo Mulungu wamene ololesha va mkati mwa mitima ya ŵanthu, woziŵa vakupangwa Mzimu Mtuŵa, pakuti Mzimu olombela atuŵa mtima ŵa Mulungu ngani mwakupangwila.

Wonse otanguliliwa na Mzimu wa Mulungu ni ŵana ŵa Mulungu.

Ŵala omvwila unkhalo uyipa, oyika mtima wawo pa vopangwa va unkhalo wawo uyipa. Koma ŵala omvwila Mzimu Mtuŵa, oyika mtima wawo pa vaupangwa Mzimu Mtuŵa.

Yeve aliyosamale Mwana wake yeka koma emutwala mu malo mwa sewo tonse. Nga angakange tyani pamo na yeve soti, kutipa vinthu vonse, mwa cisomo?

Mzimu Mtuŵa yeka, osimikizyilana na mzimu wasu kuti nise ŵana ŵa Mulungu. Lomba keno sewo nise ŵana ŵa Mulungu tikapokele nawo mashukisho ŵecilayizya ŵanthu ŵake. Pamo na Kristu sewo tikapokele mashukisho ŵecimulayizya. Pakuti keno tikumvwa voŵaŵa pamo na Kristu, tikapokele soti na ulemelelo pamo na yeve.

Malingililo ŵa unkhalo uyipa otinkhana na Mulungu. Pakuti omvilalini Matetulo, nipo kulaŵila vyendi, angamvwilelini.

Volengewa vonse vulindila mopangwishisha kuti Mulungu awoneshe ŵana ŵake patuŵa.

Tuziŵa kuti mpaka lomba, volengewa vonse vumimila na kumvwa voŵaŵa, ngani va mwanakazi pa nsita yowona mwana.