Popular Bible Verses from Aro 6

Share

Pakuti malipilo ŵa ucimo ni imfwa, koma cawanzi ca Mulungu ni moyo wosasila mwa Kristu Yesu Asikulu ŵasu.

Pakuti ucimo ukaŵelini na ulamulilo pa mwewo, cikomo cakuti mulilini pansi pa Matetulo, koma pansi pa cisomo.

Tefwikiliwa naye pobatiziwa mu imfwa yake, kuti ngani mweciwukishiwila kwa akufwa, Kristu mu ulemelelo wa Mulungu, sewo nase tingankhale mu moyo wa lomba.

Osatwala vizo vilivonse va muŵili wanu ku ucimo ngani vida va cosalungama, koma vitwaleni kwa Mulungu ngani ŵala ewukishiwa kwa akufwa kuŵa na moyo, na vizo va muŵili wanu ngani vida va cilungamo.

Tuziŵa kuti unkhalo wasu wa kale wepanyikiwa na yeve kuti muŵili wa ucimo ukacenekeke, nipo tisaŵe soti ŵazya ŵa ucimo.

Mwewo namwe, zitoleni kuŵa akufwa ku ucimo koma kuŵa na moyo wa Mulungu mwa Kristu Yesu.

Lomba tilaŵile cinji? Tipitilizye kucimwa kuti cisomo ciyikiliwepo? Yayi, na patontho kumo. Tecifwa ku ucimo, nga tingapitilizye tyani kucimwa?

Muziŵalini kuti keno mulitwala kwa aliyense ngani ŵazya womvwila, nimwe ŵazya ŵa wala wamumvwila, keno ŵa ucimo, utangulila ku imfwa, keno kumvwila Mulungu kutangulila ku cilungamo?

Titembezye Mulungu, kuti mwewo mwenze muzya wa ucimo kale, lomba mwaŵa omvwila na mtima wonse vyendi va visambizyo vemwitwaliwako. Mwamangululiwa ku ucimo nipo mwaŵa ŵazya ŵa cilungamo.