Popular Bible Verses from Aro 1

Share

Nikumvwalini nsoni na Malizu Aweme. Cikomo cakuti ni mphamvu ya Mulungu yopulumusha wonse wocetekela kutatikila Ayuda nokonkhapo asali Ayuda.

Malizu Aweme aŵa owonesha cilungamo cakutipa Mulungu. Ici cilungamo cuwela kufuma kotatikila mpaka kosilizyila na cicetekelo. Pala Malembo olaŵila kuti, “Ni munthu ofwaniwa kuŵa wolungama mwa cicetekelo cake, watiakaŵe na moyo cendi.”

Pakuti kufumila pecilengewa calo ca pansi ŵanthu aŵa woziŵa kusawoneka kwa Mulungu, niye kuti mphamvu zake zosasila na umulungu wake. Aŵa woziŵa powona vecilenga Mulungu tetyo aliye kolewela.

Pakuti cukanga kuti enzomuziŵa Mulungu, enzomutembezyalini keno kumupa mcinzi umuwamila, koma malingililo ŵawo enzonkhala aliye phindu na mitima yawo yopusa yenzonkhala yofifyiwa.

Esinthisha vyendi va Mulungu na wenye, nolambila notumikila vinthu volengewa kupula Nyamalenga, opangwika kutembezyewa nsita zonse. Amen.

Ukali wa Mulungu uwululika kufuma Kululu, cikomo ca ŵanthu asasamala va Mulungu na kusoŵa cilungamo. Kusoŵa cilungamo kwawo kuŵakangisha kuziŵa vyendi.

Cikomo ca ici, Mulungu eŵaleka ku vokumbwila vomvwisha nsoni. Cukanga anakazi esiya civyaliko cawo nokumbwilana ŵeka–ŵeka, mwacisapangwikila kuŵa. Cimozi–mozi analume nawo eleka kukumbwila anakazi ngani mwa civyaliko, okumbwilana ŵeka–ŵeka. Enzocita vocitisha nsoni, tetyo oziyitila cilango cowamila molingana na vocita vawo vosakonkholoka. Pakuti enzolingilila kuti kukonkha Mulungu ni kupusa, Mulungu eŵalekelela kuti awocita vopusa vawo.

Cukanga kuti oliyezya ŵa nzelu, ni wopusa. Mu malo molambila Mulungu wa nsita zosasila, ŵeve olambila vinthu vupangiwa vulingana ngani ŵanthu akufwa, keno tunyoni keno vinyama, koma soti viyakine vukalaŵa.