Popular Bible Verses from KO E ME‘A FAKAHĀ 19

Share

Tau fiefia mo hākailangitau, ‘Io, te tau tuku ‘a e kolōlia kiate ia: He kuo hokosia ‘a e ta‘ane ‘a e Lami, Pea ko hono uaifi kuo ‘osi hono teuteu.

Pea na‘e tohi ‘i hono pulupulu mo hono tenga ha hingoa

Pea u vakai kuo fakaava ‘a e langi, pea tā ko ha hoosi hinehina; pea ko ia na‘e heka ai na‘e ui ko Falala‘anga mo Mo‘oni; pea ‘oku mā‘oni‘oni ‘ene fakamaau mo ‘ene faitau.

Ko hono ongo fo‘i fofonga na‘e hangē ko e ulo‘i afi, pea na‘e lahi ‘a e kalauni ‘i hono ‘ulu; pea na‘e ai hono hingoa na‘e tohi, ‘a ia na‘e ‘ikai ‘ilo ki ai ‘e ha taha, ka ko ia pē. Pea kuo ne kofu ‘aki ha kofu kuo pani ta‘ata‘a: pea ko hono huafa ‘oku ui‘aki KO FOLOFOLA ‘a e ‘OTUA.

Pea na‘e ‘alu mei hono ngutu ‘a e heletā māsila ke ne taa‘i ‘aki ‘a e ngaahi kakai, pea te ne pule‘i kinautolu ‘aki ha sēpita ukamea: pea ko ia ia ‘oku malaki ‘a e tata‘onga uaine ko e houhau ‘o e tuputāmaki ‘a e ‘Otua Aoniu.

Pea na‘e puke ‘a e manu fekai, pea mo ia na‘e kau mo ia, ‘a e palōfita loi, ‘a ia na‘a ne fai ‘a e mana ‘i he ‘ao ‘o e manu, ‘o ne kākaa‘i ai ‘a e kakai kuo ma‘u ‘a e faka‘ilonga ‘o e manu fekai, mo nau hū ki hono ‘īmisi, Na‘e lī mo‘ui kinaua ki he anoafi, ‘a ia ‘oku ulo sūlifa.