Popular Bible Verses from Filipaí 4

Share

Neongo pe ko e hā ‘a e me‘a, ‘oua te mou lotomo‘ua ai; ka ‘i he me‘a kotoa pē tuku ke hā ki he ‘Otua ho‘omou ngaahi kole, ‘i he lotu mo e hūfia, pea fai mo e fakafeta‘i.

Pea ko e nonga ‘a e ‘Otua, ‘a ia ‘oku mama‘o ‘i he tatae ‘o e ‘atamai kotoa pē, te ne malu‘i homou loto mo ho‘omou ngaahi fakakaukau ‘ia Kalaisi Sīsū.

Ko ‘eku lea faka‘osi, kāinga. ‘Ilonga ‘a e ngaahi me‘a ‘oku mo‘oni, ‘ilonga ‘a e ngaahi me‘a ‘oku taau, ‘ilonga ‘a e ngaahi me‘a ‘oku totonu, ‘ilonga ‘a e ngaahi me‘a ‘oku ma‘a, ‘ilonga ‘a e ngaahi me‘a ‘oku faka‘ofo‘ofa, ‘ilonga ‘a e ngaahi me‘a ‘oku ongoongolelei, ‘io, ka ai ha ‘ulungāanga lelei, pea ka ai ha me‘a ‘oku fakamālō‘ia, ko e ngaahi me‘a ia ke mou tokanga ki ai.

‘Oku ou mafeia ‘a e me‘a kotoa pē ‘iate ia ‘oku ne fakakaukaua au.

Mou fiefia ‘i he ‘Eiki ma‘u ai pē: ‘io, ka u toe ‘ai atu, Mou fiefia.

Pea ko hoku ‘Otua te ne fakaai ho‘omou masiva kotoa pē, ‘o fakatatau ki he koloa ‘oku ne ma‘u ‘i langi ‘ia Kalaisi Sīsū.

‘Io, ko e ngaahi me‘a na‘a mou ako, mo ma‘u, mo fanongoa, mo mamata, ‘iate au, ko e ngaahi me‘a ko ia ke mou fai; pea ‘e toki ‘iate kimoutolu ‘a e ‘Otua ‘oku ‘a‘ana ‘a e nonga.

Ko ho‘omou anga na, ‘a e ta‘e te mou ha‘aki ‘eke ho‘omou ngaahi me‘a, tuku ke hā ia ki he kakai fuli pē. ‘Oku tu‘unuku mai ‘a e ‘Eiki.

‘Io, ‘oku ou lava ‘a e nofo mo‘ulaloa, pea ‘oku ou lava foki ‘a e mohu me‘a. Ne ako‘i au, ‘i he‘eku me‘a taau taha mo hono kotoa, ka u pōtopoto‘i ‘i he nofo mākona mo e nofo fiekaia, mo e nofo mohu me‘a mo e nofo masiva.

‘Oku ‘ikai te u lea pehē koe‘uhi pē ko ‘eku masiva; he ko e me‘a kia kita kuo u ako ke u fiemālie ai pē ‘i he me‘a ‘oku ou ‘i ai.