Popular Bible Verses from Ma‘aké 13

Share

Pea te mou hoko ko e fehi‘anekina ‘e he kakai kotoa pē ko e me‘a ‘i he hingoa ‘o‘oku: ka ko ia te ne kītaki ‘o a‘u ki he ngata‘anga, ko e toko taha ko ia ‘e mo‘ui.

Mou tokanga, mou ‘ā pē: he ‘oku ‘ikai te mou ‘ilo pe ‘e fakakū hono taimi.

Pea ‘oka nau ka taki kimoutolu ke faka‘ilo, ‘oua te mou fua lotomo‘ua pe ko e hā ha‘amou lea ‘e fai: ka ko e me‘a ‘e ‘atu kiate kimoutolu ‘i he taimi ko ia, mou lea‘aki ia; he ‘oku ‘ikai ko kimoutolu ‘e lea, ka ko e Laumālie Mā‘oni‘oni.

‘E mole ‘a e langi mo māmani: ka ko ‘eku ngaahi lea ‘e ‘ikai mole.

Ka ko e me‘a ki he ‘aho ko ia, mo hono houa, ‘oku ‘ikai ha taha ‘oku ‘ilo ki ai; ‘io, pe ko ha ‘āngelo ‘i he langi; pea na‘a mo e ‘Alo ‘oku ‘ikai; ngata pē ‘i he Tamai toko taha.

Pea ‘oka mou ka fanongo ki ha ngaahi tau mo ha ngaahi tala tau, ‘oua na‘a fakamanavasi‘i ai kimoutolu: kuo pau ke hoko ia, kae kei tuai pē ‘a e ngata‘anga.

Ko ia, mou le‘o: he ‘oku ‘ikai te mou ‘ilo pe ‘e hoko fakakū mai ‘a e ‘Eiki ‘o e ‘api; pē efiafi, pe tu‘uapō, pe ‘i he ‘u‘ua ‘a e moa, pe hengihengi: na‘a ha‘u fakafokifā pē ia, ‘o ne ‘ilo kimoutolu ‘oku mou mohe. Pea ko e me‘a ‘oku ou tala kiate kimoutolu ‘oku ou tala ki he kakai kotoa pē, MOU LE‘O.

Koe‘uhi ‘e tu‘u ha kakai ki ha kakai, mo ha pule‘anga ki ha pule‘anga: ‘e ai ha ngaahi mofuike ‘i he ngaahi potu kehekehe, ‘e ai ha ngaahi honge: ko e ngaahi kamata pē ia ‘o e langa.

Pea kuo pau ke tomu‘a fanongonongo ‘a e ongoongolelei ki he ngaahi kakai kotoa pē.

‘E ai ha tokolahi te nau ha‘u ‘i he hingoa ‘o‘oku, mo nau pehē, Ko au ia; pea te nau taki hē hā tokolahi.

Ka mou vakavakai telia kimoutolu. Te nau faka‘ilo kimoutolu ki he ngaahi Fakamāu‘anga; pea taki ki he ngaahi falelotu ke haha; pea ‘e fakahopo kimoutolu ‘i he ‘ao ‘o e ngaahi Kōvana mo e ngaahi tu‘i koe‘uhi ko au, ke ai ha fakamatala kiate kinautolu.

koe‘uhi ‘e tupu hake ha kau mīsaia loi, mo ha kau palōfita loi, pea te nau fai ha ngaahi faka‘ilonga, mo ha ngaahi me‘a fakaofo, ‘o fai ke taki he ‘a e kakai fili, ‘oka ne lava.

Ka ‘i he taimi ko ia, hili ‘a e mamahi ko ia, ‘e fakapo‘uli ‘a e la‘ā, pea ‘e tuku ‘e he māhina ‘ene huhulu, pea ko e ngaahi fetu‘u te nau ngangana mei he langi, pea ‘e ngatōtō ‘a e ngaahi mālohinga ‘oku ‘i he ngaahi langi.