Popular Bible Verses from Mātiú 16

Share

Pea toki lea ‘e Sīsū ki he‘ene kau ako, ‘o pehē, Ka ai ha taha ‘oku ne fie muimui mai, ke ne mātu‘aki hangē ha mateaki, pea ke ne fua hono kolosi, pea ke ne hoko ko hoku lahi.

Ko eni ‘eku lea foki kiate koe, Ko Pita (pe Maka) koe; pea ‘i he funga maka ni te u langa ai hoku Siasi; pea ‘e ‘ikai mālohi ki ai ‘a e ngaahi matapā ‘o Hētesi.

Te u ‘atu kiate koe ‘a e ngaahi kī ‘o e Pule‘anga ‘o Hēvani: pea ‘ilonga ha me‘a te ke fakangofua ‘i māmani kuo fakangofua ‘i Hēvani.

He ko ia te ne fai ke fakahaofi ‘ene mo‘ui, ko ‘ene tuku ia ke mole; pea ko ia te ne tuku ‘ene mo‘ui ke mole koe‘uhi ko au, ko ‘ene kalofaki ia.

He ka ne faifai pea ma‘u ‘e ha tangata ‘a māmani kātoa ‘i he‘ene ngāue, kae mole ai ‘ene mo‘ui, ko e hā tū ha me‘a kuo ne lava? pea ko e hā ha me‘a ‘e ‘atu ‘e he tangata ke fakatau ‘aki mai ‘ene mo‘ui?

Pea pehē ange ‘e ia, Ka ko hai au ‘i he lau ‘amoutolu? Pea tali ‘e Saimone Pita, ‘o ne pehē, Ko e MĪSAIA koe, ko e ‘ALO ‘O E ‘OTUA MO‘UI.

Pea tali ‘e Sīsū, ‘o ne pehē kiate ia, Ha monū‘ia ā ka ko koe, ‘e Saimone Pāsiona: he ‘oku ‘ikai ko e kakano mo toto na‘e fukefuke kiate koe, ka ko ‘eku Tamai ‘oku ‘i Hēvani.