Popular Bible Verses from Luké 9

Share

Pea ne lea kiate kinautolu kotoa pē, Ka ai ha taha ‘oku ne fie muimui mai kiate au, ke ne hangē ha mateaki, pea ke ne fua hono kolosi ‘i he ‘aho kotoa pē, pea ke ne hoko ko hoku lahi.

He ko ia te ne fai ke kalofaki ‘ene mo‘ui, ko ‘ene tuku ia ke mole: ka ko ia te ne tuku ‘ene mo‘ui ke mole koe‘uhi ko au, ko eni ia ‘oku fakahaofi ia.

Ka ka pehē ‘e Sīsū kiate ia, Ko ia ‘oku ala ke faka‘uli ‘a e palau, mo kilokilo ki he ngaahi me‘a ‘i mui, ‘oku ‘ikai te ne tuha mo e Pule‘anga ‘o e ‘Otua.

He ka ne kuo ma‘u ‘e ha tangata ‘i he‘ene ngāue ‘a māmani kātoa, ka kuo ne maumau ai ia, pe kuo ne mole ai, pea ko e hā ha me‘a kuo ne lava?

He ko ia te ne maa‘i au mo ‘eku ngaahi tala, ‘e maa‘i ‘a e toko taha ko ia ‘e he Fanautama ‘a Tangata, ‘oka hā‘ele mai ia mo hono nāunau ‘o‘ona, pea mo e nāunau ‘o ene Tamai, pea mo e nāunau ‘o e kau ‘āngelo tapu.

Pea pehē ‘e Sīsū kiate ia, Ko e fanga fōkisi ‘oku ai hanau tafu, mo e fanga manupuna ‘o e ‘atā hanau pununga; ka ko e Fanautama ‘a Tangata ‘oku ‘ikai si‘a potu ke ‘olunga ki ai hono ‘ulu.

pea ne pehē kiate kinautolu, Ko ia te ne tali ‘a e tamasi‘i ni ‘i hoku hingoa ‘oku ne tali au: pea ko ia te ne tali au ‘oku ne tali ia na‘a ne fekau mai au: he ko ia ‘oku nofo kimui ‘aupito ‘iate kimoutolu, ko eni ia ‘oku lahi.