Popular Bible Verses from Luké 6

Share

‘ange pea ‘e toe ‘omi kiate kimoutolu–kuo fua fakalaka, kuo fa‘o tuki ki he puha fua, kuo lulu‘i, kuo fonu mokulu; ‘e pehē ‘a ‘enau toe ‘atu ki homou kona. He ko e fua ‘oku mou fua ‘aki, ko ia pē ‘e fua ‘aki ho‘omou totongi.

Ko e tangata lelei ‘oku fisi kitu‘a ai ‘a e lelei mei he koloa lelei kuo fa‘o ki hono loto; pea ko e tangata kovi ‘oku fisi kitu‘a ai ‘a e kovi mei he koloa kovi kuo fa‘o ‘i hono loto: he ko e talanoa ‘a e ngutu ‘oku mei he me‘a ‘i he loto ‘oku hulu atu.

Ka mou ‘ofa‘i homou ngaahi fili; pea fai lelei mo tali nonō, neongo ‘oku ‘ikai te mou ‘amanaki ‘e toe ma‘u mai ha me‘a; pea ‘e lahi ho‘omou totongi, pea te mou hoko ko e ngaahi foha ‘o e ‘eiki Taupotu; he ‘oku angalelei ia ki he ta‘ehounga mo e faikovi.

‘ē, mou hoko ko e kau ‘ofangofua, ‘o hangē ‘oku ‘ofangofua ‘a ho‘omou Tamai.

Pea ‘oua ‘e fakaanga, pea ‘e ‘ikai anga‘ia kimoutolu: pea ‘oua ‘e fakahalaia, pea ‘e ‘ikai fakahalaia kimoutolu: mou fakamolemole, pea ‘e fakamolemole ‘a kimoutolu

Ka ‘oku ou tala kiate kimoutolu ‘oku fanongo na, Mou ‘ofa‘i homou ngaahi fili, fai lelei kiate kinautolu ‘oku fehi‘a kiate kimoutolu, tāpuaki‘i ‘a kinautolu ‘oku tutuku‘i kimoutolu, hūfia ‘a kinautolu ‘oku nau ngaohikovi‘i kimoutolu.

Pea hangē ko ia ‘oku mou loto ke fai ‘e he kakai kiate kimoutolu, mou fai tatau mo ia foki kiate kinautolu.

Ka tuki‘i koe ‘e hā taha ‘i ho kou‘ahe, ‘ange ki ai ‘a e kou‘ahe ‘e taha; pea ko ia ‘oku ‘ave ho pulupulu, ‘oua na‘a ta‘ofi mei ai mo ho sote. ‘Ilonga ha taha ‘e fai ha kole kiate koe, tali ia; pea ka ‘ave ‘e ha taha ha‘o me‘a, ‘oua na‘a ‘eke ia.

He ‘oku ‘ikai ha me‘a pehē, ke fua tamaki ‘e ha ‘akau ‘aonga, pe ke fua ‘aonga ‘e ha ‘akau tamaki.

Ka ‘oku mahino ‘a e ‘akau takitaha mei hono fua ‘o‘ona. He ‘oku ‘ikai tufi fiki ‘i he vao talatala, pe toli kālepi ‘i he talatala‘āmoa.