Popular Bible Verses from KO SIOSIUA 7

Share

Kuo hia ‘a ‘Isileli, pea kuo nau maumau‘i foki ‘eku kovinānite ‘a ia na‘a ku tu‘utu‘uni kiate kinautolu: kuo nau ala foki ki he me‘a na‘a ku pehē ‘e tuku li‘aki; pea kuo nau kaiha‘asi foki, pea kuo nau fufū foki, ‘io, pea kuo nau ‘ai fakataha mo ‘enau koloa.

Tu‘u, fakatāpui ‘a e kakai, mo ke pehē, Mou tapui kimoutolu ki he ‘apongipongi: he ko ‘eni ‘a e folofola ‘a Sihova ko e ‘Otua ‘o ‘Isileli, ‘E ‘Isileli, ‘oku ‘i ho lotolotonga ha me‘a kuo tapui: ‘e ‘ikai te ke lava ke tu‘u ‘i he ‘ao ‘o ho ngaahi fili, kae‘oua ke mou hu‘ihu‘i mei homou lotolotonga ‘a e me‘a kuo tapui.

Ko hono ‘uhinga ia na‘e ‘ikai lava ai ‘e ha‘a ‘Isileli ke tu‘u ‘i he ‘ao ‘o honau ngaahi fili; ‘oku nau sītu‘a ki honau ngaahi fili koe‘uhi kuo nau hoko kinautolu ko e me‘a tuku li‘aki: ‘e ‘ikai te u toe ‘iate kimoutolu, ‘o kapau ‘e ‘ikai te mou faka‘auha mei homou lotolotonga ‘a e me‘a na‘e tuku li‘aki.