Popular Bible Verses from KO SIOSIUA 10

Share

Pea na‘e tatali ‘a e la‘ā, pea na‘e tu‘u ‘a e māhina, Kae‘oua ke tautea honau ngaahi fili ‘e he pule‘anga. ‘Ikai ‘oku tu‘u ‘a e me‘a ko ia ‘i he Tohi ko Sesa? Pea na‘e tu‘u ‘a e la‘ā ‘i he loto langi, pea na‘e ‘ikai te ne fakavave ‘ene ‘alu hifo, ‘o ‘aho kātoa nai.

Ko e taimi ko ia na‘e fakatau folofola ai ‘a Siosiua kia Sihova ‘i he ‘aho na‘e tukuange ai ki ha‘a ‘Isileli ‘e Sihova ‘a e kau ‘Āmoli, pea na‘a ne pehē ‘i he ‘ao ‘o ‘Isileli, La‘ā, tatali pe koe ‘i Kipione; Mo koe, Māhina, ‘i he tele‘a ‘o ‘Esialoni.

Pea na‘e ‘ikai ha toe ‘aho hangē ko ia ‘i mu‘a pe ki mui, ke fakaongo ai ‘a e ‘Eiki ki he le‘o ‘o ha tangata: he na‘e tau ‘a Sihova ma‘a ‘Isileli.

Pea folofola ‘a Sihova kia Siosiua, ‘Oua te ke manavahē kiate kinautolu: he kuo u tuku kinautolu ki ho nima; ‘e ‘ikai mātu‘u ‘i ho ‘ao hanau momo‘i tangata.

Pea pehē ‘e Siosiua kiate kinautolu, ‘Oua te mou manavahē, pea ‘oua te mou tailiili; mou lototo‘a, mo tu‘u kalikali; he ‘e fai pehē ‘e Sihova ki homou ngaahi fili kotoa pē te mou fai tau ki ai.