Pea fanongo ‘e he kaume‘a ‘e toko tolu ‘o Siope ki he ngaahi kovi ko ia kuo hoko ki ai, pea nau omi takitaha mei hono feitu‘u–‘a ‘Elifasi mei Tīmani, mo Pilitati mei Sua‘a, mo Sofa‘a mei Na‘ama–he kuo nau tālanga ke ha‘u fakataha, ‘o fakamamahi mo ia, mo fai ha fakalelu. Pea ‘i he‘enau fakasio mai mei he mama‘o, ‘o ‘ikai te nau mei ‘ilo ko ia, na‘a nau ‘ai ‘enau fu‘u fākafoa; pea nau hae hifo takitaha hono kofu, pea nau laku ki ‘olunga ‘a e efu ke tō ki honau ‘ulu. Pea na‘a nau nonofo mo ia ‘i he kelekele ‘o ‘aho fitu mo pō fitu, ‘o ‘ikai fai ha momo‘i lea ki ai: he na‘a nau vakai kuo hulu fau ‘ene mamahi.