Popular Bible Verses from KO SELEMAIA 6

Share

Ko e folofola eni ‘a Sihova, Mou tu‘u ‘i he ngaahi kauhala, ‘o vakai, ‘o ‘eke ki he ngaahi ‘alunga tupu‘a, ko e fē ‘a e hala lelei, pea mou laka ai, pea te mou ma‘u ha mālōlō‘anga ki homou laumālie. Ka ‘oku nau pehē, ‘E ‘ikai te mau ‘alu.

Pea kuo nau nanivi ‘i ‘enau faito‘o ‘a e maumau ‘o hoku kakai, he‘enau pehē, ‘E lelei pē, ‘e lelei pē; ‘osi, ‘oku ‘ikai ha lelei.

‘E Māmani, fanongoa: ko au eni ‘oku ou ‘omi ha kovi ki he kakai ni ko e ‘ātunga pē ‘o ‘enau ngaahi fakakaukau; he ko ‘eku ngaahi lea na‘e ‘ikai te nau fakaongo ki ai, pea ko ‘eku lao na‘a nau fakatale‘i.

Ko hai te u fai ki ai ‘eku lea mo ‘eku fakapapau, ke nau maongo‘i? Vakai, ‘oku ta‘ekamu honau telinga, pea ‘oku ‘ikai te nau lava ke fakaongo: vakai, kuo hoko ‘a e folofola ‘a Sihova ko e me‘a ke nau manuki‘i; ‘oku ‘ikai ha‘anau manako ki ai.