Popular Bible Verses from KO SELEMAIA 38

Share

Pea tali ‘e Selemaia, ‘E ‘ikai te nau tukuange koe. Tauange mo e ‘afiona ke ke fakaongo ki he le‘o ‘o Sihova, ‘i he me‘a ‘oku ou tala atu; kae hoko lelei kiate koe, pea hao si‘i mo‘ui ‘a e ‘afiona.

‘Ēī ‘a e ‘afiona, ko e ngāue kovi ‘a e kau tangata na, ‘a e fu‘u me‘a kuo nau fai kia Selemaia ko e palōfita, ‘a ‘enau tuku ia ki he lepa; pea te ne mate ‘i he potu ko ia koe‘uhi ko e honge: he ‘oku ‘ikai ha kei me‘akai ‘i he kolo. Ko ia na‘e fekau ‘e he tu‘i ‘a e ‘Itiopea ko ‘Ēpetimeleki, ‘o pehē, ‘Ave mei heni ha kau tangata ‘e toko tolungofulu ke ke ngāue‘aki, pea ‘ohake ‘a Selemaia mei he lepa te‘eki ke ne pekia.

Ko e folofola eni ‘a Sihova, Ko ia ‘oku nofo ‘i he kolo ni te ne mate ‘i he heletā, ‘i he honge, pea ‘i he mahaki faka‘auha: ka ko ia te ne hū ki tu‘a ki he kau Kalitia, te ne mo‘ui, ‘io, te ne ‘ave ‘ene mo‘ui ma‘ane vete, pea te ne hao.