Popular Bible Verses from KAU FAKAMAAU 6

Share

Pea hā kiate ia ‘a e ‘Āngelo ‘a Sihova, ‘o ne pehē kiate ia, ‘Oku ‘iate koe ‘a e ‘Eiki, si‘i to‘a tete‘e.

Pea hāngai fofonga kiate ia ‘a Sihova, ‘o ne folofola mai, ‘Alu ‘aki ho ivi ko ena, ‘o fakahaofi ‘a ‘Isileli mei he ‘aofinima ‘o Mitiani: ‘ikai kuo u kouna koe?

Pea folofola ki ai ‘a Sihova, Ka te u ‘iate koe pē, pea te ke taa‘i ‘a Mitiani ‘o hangē ko e toko taha pē.

Pea tali ki ai ‘a Kitione, ‘Oiauē, Tangata‘eiki, kapau ‘oku ‘iate kimautolu ‘a e ‘Eiki, pea ko e hā ai kuo hoko mai ‘a e ngaahi fu‘u me‘a pehē? pea ko e fē ‘ene ngaahi ngāue fakaofo ‘a ia kuo talanoa‘ia mai ‘e he‘emau ngaahi kui, ‘o pehē, ‘Ikai na‘e ‘ohake kimautolu ‘e Sihova mei ‘Isipite? ka ko eni kuo li‘aki kimautolu ‘e he ‘Eiki, pea kuo ne tuku kimautolu ki he ‘aofinima ‘o Mitiani.

Pea tali ‘e ia ki ai, ‘Oiauē, Tangata‘eiki, te u fakahaofi ‘a ‘Isileli ‘aki ‘a e hā? Vakai, ko e kongakau ‘oku ou kau ki ai ko e vaivai taha ia ‘ia Manase, pea ko e si‘i taha au ‘i he fale ‘o ‘eku tamai.

Pea na‘e hā‘ele mai ‘a e ‘Āngelo ‘a Sihova, ‘o ne nofo ‘i he lolo ‘oke na‘e ‘i ‘Ōfila, ‘a ia ko e ‘api ‘o Soasi ko e tangata ‘Apiesa; pea ko hono foha ko Kitione na‘a ne tuki uite ‘i he tata‘o‘anga uaine ke puli mei he kakai Mitiani.

‘e ‘ikai te ke mate. Pea fokotu‘u ‘e Kitione ‘i he potu ko ia ha ‘ōlita ki he ‘Eiki, ‘o ne fakahingoa ia ko Sihova-Sālome (ko Sihova-ko-e-melino): ‘oku kei tu‘u ia ‘o a‘u ki he ‘aho ni ‘i ‘Ōfila ‘a ia ‘oku kau ki ha‘a ‘Apiesa.

Pea tali ‘e ia ki ai, Kapau leva kuo u ta‘imālie ho‘o ‘ofa, pea ke fai mai ha faka‘ilonga, ko koe pē ‘oku ta fefolofolai mo au.

Pea folofola ‘a e ‘Eiki kiate ia, Melino pē ho loto; ‘oua te ke manavahē

PEA fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova, pea na‘e tuku kinautolu ‘e Sihova ki he nima ‘o Mitiani, ‘o fitu ta‘u.