Popular Bible Verses from Sēmisí 3

Share

Ka ko e poto ‘oku mei ‘olunga, ko hono anga tu‘u mu‘a ko e ma‘a, pea hoko ai mo ‘ene melino mo ‘ene anga faka‘atu‘i, ‘o taka fakaoleole, ‘o mohu manava‘ofa, pea fuhi ai ‘a e fua lelei, pea ‘oku ‘ikai ngutungutuua, ‘oku ‘ikai momole‘olunga.

Ko hai ia koā ‘iate kimoutolu ‘oku poto mo ‘ilome‘a? ‘Ē, ke ne ‘ai ke hā ‘ene ngaahi ngāue ‘i he lelei ‘ene tō‘onga, ‘o fai‘aki ‘a e anga vaivai ‘a poto.

Pea ko eni, ko e fua ko e mā‘oni‘oni, ko hono tō ‘oku fai ‘i he melino ‘e kinautolu ‘oku fakatupu melino.

‘Ilonga ha potu ‘oku ‘i ai ‘a e meheka, mo e tangi ke tu‘u ‘ata, ‘oku ‘i ai ‘a e maveuveu mo e ngāue kovi fuli pē.

Ko ia ia ‘oku tau fakamālō ‘aki ki hotau ‘Eiki mo e Tamai, pea ko ia ia ‘oku tau tutuku‘i ‘aki ‘a e kakai ‘a ia ‘oku ngaohi ‘i he tatau ‘o e ‘Otua. ‘Oku tō mai mei he ngutu pē taha, ‘a e fakamālō mo e tutuku‘i. Si‘oku kāinga, ‘oku ‘ikai totonu ke pehē ha me‘a.

Pea ko e ‘elelo ko ha afi ia–‘oiau, ‘a e ‘univeesi angahala ko ē! Ko e tu‘unga ‘eni ‘o e ‘elelo ‘i hotau ngaahi kupu, ko ia ia ‘oku ne fakamele ‘a e sino kotoa, ‘o ne tutu ‘a e siakale ‘o natula, pea ‘oku tutu ia mei heli.

Ka ko e ‘elelo kuo te‘eki mafakalalata ‘e he tangata; ko e kovi matemate‘āliku, ko e koto kona fakamate.

SI‘OKU kāinga, ‘oua te mou hoko ko e koto akonaki kotoa pē, ko ho‘omou ‘ilo ‘e ‘otautolu ‘a e tautea ‘oku lahi hake.