Popular Bible Verses from KO ‘AISEA 41

Share

‘Oua ‘e manavahē, he ‘oku ou ‘iate koe ‘e au; ‘oua ‘e kilokilo holo, he ko ho ‘Otua au: te u poupou koe ‘e au; ‘io, te u tokoni kiate koe; ‘io, te u pukepuke koe ‘aki ‘a e to‘omata‘u ‘o ‘eku faitotonu.

He ko au Sihova ko ho ‘Otua te u puke ho to‘omata‘u, ‘a au ‘oku ou pehē atu, ‘Oua ‘e manavahē; ko au ‘oku ou tokoni‘i koe.

Vakai, ko kinautolu kotoa ‘oku lili kiate koe te nau mā mo puputu‘u: te nau hoko ko e koto ‘ikai; ‘io, te nau ‘auha–‘a ho kau veipā vaivai na.

‘a koe kuo u puke ki ai mei he ngata‘anga ‘o māmani, ‘o ui mei hono ngaahi tuliki, pea kuo u pehē atu, Ko si‘eku sevāniti koe, kuo u fili koe, ‘o ‘ikai li‘aki.

Te ke kumi kinautolu, ‘o ‘ikai ‘ilo–ho kau fili vaivai na: te nau hoko ko e koto ‘ikai mo ha koto mole–‘a e kau vaivai na ‘oku fai tau kiate koe.

‘Oua ‘e manavahē, si‘i tu‘unga fefine ko Sēkope, ‘a momo‘i ‘Isileli; te u tokoni‘i koe ‘e au–ko e folofola ia ‘a Sihova–pea ko ho koeli ko e Tāpuhā ‘o ‘Isileli.

Ka ko e me‘a kia koe, ‘Isileli, ‘a ‘eku sevāniti, si‘i Sēkope kuo u fili ki ai, ‘a e hako ‘o ‘Epalahame ko hoku takanga

Te u fakapuna vaitafe ‘i he ngaahi mo‘unga molemole, moni fauniteni ‘i he loto lautoka: te u ngaohi ‘a e toafa ko e tokanga vai, pea ko e fonua mamate ko e koto vai mapunopuna.

si‘i kau fāiekina mo masiva, si‘enau kumi vai, ka ‘oku ‘ikai, pea pakupaku honau ‘elelo ‘i he fie inua! ko au Sihova te u tali kinautolu; ko e ‘Otua ‘o ‘Isileli au, ‘e ‘ikai te u li‘aki kinautolu.

Ko hai kuo ne fokotu‘u, ‘o fai ia, he‘ene ui mai ‘a e ngaahi to‘utangata mei he kamata‘anga? Ko au Sihova, ‘a e ‘Uluaki, pea ‘oku ‘i he kimui; ko au ia.

Te u tō ‘i he toafa ‘a e sita, mo e sitimi, mo e maile, mo e ‘akau lolo: te u ‘ai ‘i he ‘Alapā ‘a e paini, ‘a e tita‘a, mo e tasua fakataha: koe‘uhi ke nau sio leva, mo tokanga‘i, mo fakakaukau, mo ‘ilo kānokano ‘a ‘eni, ko e nima ‘o Sihova kuo ne fai ‘a e me‘a ni, pea kuo fakatupu ia ‘e he Tāpuhā ‘o ‘Isileli.