Popular Bible Verses from Hepelū 9

Share

pehē foki mo e Mīsaia, ko e me‘a ‘i hono ‘oatu tātu‘otaha ke fua ‘a e angahala ‘o e tokolahi, ko ia te ne toe hā, ta‘eha angahala, ki he kakai ‘oku nofo‘aki tali kiate ia, mo‘onau fakamo‘ui.

Huanoa ‘a e ta‘ata‘a ‘o Kalaisi, ‘a ia na‘a ne ‘oatu ‘e ia ia ta‘ehano mele ki he ‘Otua, fai ‘e ha laumālie laui ‘ītāniti–huanoa ‘ene fakama‘a ‘e he ta‘ata‘a ko ia hotau konisēnisi mei he ngaahi ngāue mate, ke tau tauhi ‘a e ‘Otua ‘oku mo‘ui.

Pea hangē kuo tu‘utu‘uni ki he kakai ke mate tātu‘otaha pē, pea hili ia ko e fakamaau pē

‘io, ‘i he tu‘utu‘uni ‘a e Lao ‘oku ‘ikai mei ai ha me‘a ka ‘oku fakama‘a ‘aki ‘a e toto: pea ka ‘ikai ha lilingi toto, ‘oku ‘ikai ha fakamolemole.

Pea ko hono ‘uhinga ia ‘oku ne nofo ko e Fakalaloa ‘o e Fuakava Fo‘ou: koe‘uhi ‘i he fai ‘o ha mate mo‘o huhu‘i ‘o e ngaahi angahala ne hoko lolotonga ‘a e ‘uluaki fuakava, kae toki ma‘u ‘e kinautolu kuo ui ‘a e palōmesi, ko e tofi‘a ta‘engata.