Popular Bible Verses from KO ‘ISIKELI 4

Share

Ko eni foki te ke tokoto ki ho vakavaka to‘ohema, pea te ke ‘ai ki ai ‘a e kovi ‘o e fale ‘o ‘Isileli: ko ho‘o fakakakato ‘a e ngaahi ‘aho ‘o ho‘o tokoto ki hē, ko ho‘o fua ia ‘enau kovi. Pea ko au ‘oku ou tuku atu ‘a e ngaahi ta‘u ‘o ‘enau kovi ke lau ‘aho pē; ko e ‘aho ‘e tolungeau mā hivangofulu, ‘a ia te ke fua ai ‘a e kovi ‘o e fale ‘o ‘Isileli.

Pea kuo ke lava ia, pea te ke toe tokoto ki ho vakavaka to‘omata‘u, ka ke fua ‘a e kovi ‘o e fale ‘o Siuta ‘o fāngofulu‘i ‘aho: ko e ‘aho ki he ta‘u takitaha, ko ‘eku tuku ia ma‘au.

Pea te ke to‘o foki ma‘au ha uite, mo e pa‘ale, mo e piini, mo e lētili, mo e mīleti, mo e kūsemi, pea te ke tuku ki ha ‘ainga pē taha, pea te ke ngaohi ‘aki ha‘o me‘akai, ‘o fakatatau ki he fuoloa ‘o ho‘o tokoto ki ho vakavaka na, ko e ‘aho ‘e tolungeau mā hivangofulu te ke kai ai.