Popular Bible Verses from KO ‘ISIKELI 33

Share

Ke ke lea kiate kinautolu, Ko ‘Ātonai Sihova ‘eni mei he Ta‘ehāmai, Tangi ‘eku mo‘ui ha‘aku fiefia ‘i he pekia ‘a e angahala; ka ‘i he tafoki ‘a e angahala mei hono ‘alunga ke ne mo‘ui. Tafoki, tafoki mei homou ngaahi ‘alunga kovi; he koe‘uma‘ā ho‘omou mate, si‘i fale ‘o ‘Isileli?

Pea ko koe, Hako‘i-tangata, kuo u tuku koe ko e taulama ki he fale ‘o ‘Isileli; pea te ke ma‘u mei hoku ngutu ‘a e lea, pea te ke valoki kinautolu meiate au.

Ka ‘o kapau ‘oku ke valoki ‘e koe ‘a e angahala, ke sese‘e mei hono ‘alunga, ke tafoki mei ai, ka ‘oku ‘ikai te ne tafoki mei hono ‘alunga; ‘e mate ‘a e toko taha ko ia ‘i he‘ene kovi, ka kuo ke hamusi ‘e koe ho laumālie.

Ka ‘o kapau ‘oku vakai ‘e he taulama ko e heletā ‘ena ‘oku ha‘u, ‘o ‘ikai te ne ifi ‘a e talupite, pea ‘ikai valokia ‘a e kakai, pea ha‘u ‘a e heletā ‘o ‘ave ‘a e mo‘ui ‘a honau taha; ‘oku mole ‘a e toko taha ko ia ko ‘ene kovi, ka ko hono toto te u ‘eke ki he nima ‘o e tama le‘o.

Na‘a ne ongo‘i ‘a e le‘o ‘o e talupite, ka na‘e ‘ikai mavalokia ai; ‘e ‘iate ia pē ‘a hono toto: he ka ne tokanga ki he valoki, kuo ne fakahaofi ‘ene mo‘ui.