Popular Bible Verses from KO ‘EKISOTO 23

Share

Pea te mou tauhi ‘a Sihova ko homou ‘Otua, pea te ne tāpuaki ho‘o me‘akai, mo ho‘o me‘ainu; pea te u talafua ‘a e fakamahaki meiate kimoutolu. ‘E ‘ikai ha me‘a ‘e tamatō pe pa‘a ‘i ho fonua: ko e lau ‘o homou ta‘u te u fakakakato.

Ko eni ‘oku ou fekau atu ha ‘Āngelo ke ‘alu mu‘omu‘a kiate koe ke tauhi koe ‘i he hala, pea ke fakahū ki he potu kuo u teuteu.

He kapau te ke mātu‘aki fakaongo ki he‘ene lea, ‘o fai hono kotoa ‘o e me‘a te u tala, pea te u toki hoko ko e fili ‘o ho ngaahi fili, mo e fakamamahi ‘o ho kau fakamamahi.

Neongo ko ha tokolahi, ‘oua na‘a ke ō mo kinautolu ke fai ha kovi; ‘oua na‘a ke lea angimui ki ha tokolahi ke piko‘i ha fakamaau: pea neongo ko e masiva, ‘e ‘ikai te ke ‘ofa kovi ki ai, ‘o kapau ko hano fakamaau.

‘OUA te ke fakatupu ha ongoongo loi: ‘oua te ke fakakauvaka mo e tangata kovi ke fai ha fakamo‘oni loi.