Popular Bible Verses from KOHELETI 12

Share

Ko e ngata‘anga ‘eni ‘o e me‘a: kuo ‘a‘au hono kotoa. Ke ke ‘apasia kia ‘Elohimi, ‘o tauhi ‘ene ngaahi fekau; he ko e kotoa ‘o e tangata ia.

He ‘e ‘omi ‘e ‘Elohimi ‘a e ngāue kotoa ki he fakamaau, kae‘uma‘ā ‘a e me‘a kotoa ‘oku fufū, pe ‘oku lelei ia, pe kovi.

TAMA, ke ke fiefia ‘i ho‘o toki tupu; pea fakafiefia‘i koe ‘e ho loto ‘i ho taimi talavou, pea ke fou ‘i he ngaahi hala ‘oku sio ki ai ho loto, pea ‘i he ngaahi me‘a ‘oku sio ki ai ‘e ho mata: ka ke ‘ilo ‘e fakahopo koe ‘e ‘Elohimi ki he fakamaau koe‘uhi ko e ngaahi me‘a ko ia. Pea hu‘i ‘a e hoha‘a mei ho loto, pea ‘ave ‘a e kovi mei ho kakano: he ko e si‘i mo e fatutangata ko e muna pē. Pea manatu ki he ‘Āfifio na‘e ngaohi koe Lolotonga ho‘o talavou: Te‘eki hoko ‘a e ngaahi ‘aho kovi, Te‘eki a‘u mai ‘a e ngaahi ta‘u, ‘A ia te ke pehē ai, ‘Oku ‘ikai vovo ha me‘a kiate au: Te‘eki ke nenefu ‘a e la‘ā, Mo e maama, Mo e māhina, Mo e ngaahi fetu‘u, Pea foki ‘a e ngaahi ‘ao hili ‘a e ‘uha.

Te‘eki vete ‘a e filo siliva, Mo foa‘i ‘a e ipu koula, Pe maumau ‘a e siā ‘i he fauniteni, Mo laiki ‘a e sāliote fusi ‘i he vaikeli: Pea foki ‘a e efu ki he kelekele, ‘O hangē ko ‘ene ‘i ai mu‘a; Pea foki ‘a e laumālie kia ‘Elohimi ‘A ia na‘a ne tuku mai ia.

Muna ‘o e muna!–ko e lea ia ‘a Koheleti–ko e muna ‘a e me‘a kotoa pē.