Popular Bible Verses from KO TEUTALŌNOME 8

Share

Ka te ke manatu pē kia Sihova ko ho ‘Otua, he ko ia ia ‘oku ne foaki kiate koe ‘a e mafai ke ngaohi koloa; koe‘uhiā ke ne fakaai ‘ene kovinānite, ‘a ia na‘a ne fuakava ai ki ho‘o ngaahi kui, ‘o hangē ko ia he ‘aho ni.

‘Io, na‘a ne fakavaivai‘i koe, ‘o ne tuku ke ke fiekaia, ‘o ne fafanga koe ‘aki ‘a e mana, ‘a ia ko e me‘a na‘e ‘ikai te ke ‘iloa, pe ‘ilo ki ai ‘e ho‘o ngaahi kui; koe‘uhi ke ne fakae‘a kiate koe ‘oku ‘ikai mo‘ui ‘a e tangata ‘i he mā pē, ka ko e me‘a kehekehe ‘oku hū atu mei he fofonga ‘o Sihova ‘a ia ‘oku mo‘ui ai ‘a e tangata.

Pea te ke manatu ki he hala kotoa kuo taki ai koe ‘e Sihova ko ho ‘Otua, he fāngofulu‘i ta‘u ni ‘i he Toafa, koe‘uhi ke ne fakavaivai‘i koe, ka ne sivi koe, ke hā ‘a e me‘a ‘oku ‘i ho loto, pe te ke fie tauhi ‘ene ngaahi tu‘utu‘uni pe ‘ikai.

Ka ke lau ‘e koe ‘i ho loto, Ko hoku ngū pē, mo e ivi ‘o hoku nima ni kuo ne ngaohi ma‘aku ‘a e koloa ni.

Tokanga kia koe na‘a ngalo ‘a Sihova ko ho ‘Otua, ho‘o ta‘etauhi ‘ene ngaahi tu‘utu‘uni, mo ‘ene konisitūtone, mo ‘ene ngaahi fekau, ‘a ia ‘oku ou tu‘utu‘uni atu he ‘aho ni

Pea te ke fakalaulauloto ki ai, ‘oku hangē ko e kinisi ‘e ha motu‘a hono foha ‘a e kinisi koe ‘e Sihova ko ho ‘Otua.

Pea te ke kai mākona ai, pea te ke fakafeta‘ia ‘a Sihova ko ho ‘Otua ‘i he fonua lelei kuo ne ‘omi kiate koe.

Pea te ke tauhi ‘a e ngaahi tu‘utu‘uni ‘a Sihova ko ho ‘Otua, ke fou ‘i hono ngaahi hala, pea ke ‘apasia kiate ia.

‘a e Toko Taha na‘a ne fafanga koe ‘i he toafa ‘aki ‘a e mana, ‘a ia na‘e ‘ikai ‘ilo ki ai ‘e ho‘o ngaahi kui, koe‘uhi ke ne fakavaivai‘i koe, pea ke ne sivi koe, koe‘uhi ke ne fai lelei kiate koe ‘i ho iku‘anga.

na‘a ‘iloange ‘oka kuo ke kai mākona ai, pea kuo ke langa fale lelei mo nofo ai; pea kuo tupu ho‘o fanga manu mo ho‘o fanga sipi mo kosi, pea kuo lahi ho‘o siliva mo koula, ‘io, kuo tupu ‘o lahi ‘a e me‘a kuo ke ma‘u; na‘a hiki ai ho loto, pea ngalo ‘a Sihova ko ho ‘Otua, ‘a ia na‘a ne fakahao mai koe mei ‘Isipite, ‘a e fale pōpula

He ko Sihova ko ho ‘Otua ‘oku ne taki koe ki ha fonua lelei, ko e fonua vaitafe‘ia, pea ‘i ai ha ngaahi fauniteni mo vai lolofonua, ‘oku puna ‘i he ngaahi tele‘a mo e ngaahi mo‘unga: ko e fonua uite‘ia mo pa‘ale‘ia, pea mo vainea mo fikia mo pomikānitea; ko e fonua ‘o e lolo ‘ōlive mo e honi; ko e fonua te ke kai me‘akai ai ta‘efusimo‘omo, ‘e ‘ikai te ke masiva ai ‘i ha me‘a ‘e taha; ko e fonua ‘oku maka ‘aione, pea te ke keli kapa ‘i hono ngaahi mo‘unga.

KO E fekau kotoa ‘oku ou ‘atu he ‘aho ni te mou tokanga ke fai ki ai, koe‘uhi ke mou mo‘ui, mo hoko ‘o tokolahi, pea ke mou hū atu ‘o ma‘u ‘a e fonua na‘e fuakava ai ‘e Sihova ki ho‘omou ngaahi kui.

Na‘e ‘ikai mokulu ho kofu ko ‘ene motu‘a, pea na‘e ‘ikai ke fepulopulasi ho va‘e ‘i he ta‘u ni ‘e fāngofulu.

‘a ‘Ene ‘Afio na‘e fai ho taki ‘i he toafa lahi mo fakailifia, ‘a e fanga ngata vela mo e fanga sikapio, mo e fonua ‘auinua ‘oku ‘ikai ha vai; ‘a e Toko Taha na‘a ne ‘omi kia koe ha vai mei he maka hangē ha makahunu