Popular Bible Verses from KO TEUTALŌNOME 30

Share

‘Oku ou ui ni ki langi mo māmani ke hopo he ‘aho ni mo kimoutolu, ke fakamo‘oni kuo u fokotu‘u ‘i ho ‘ao ‘a e mo‘ui mo e mate, ‘a e monū mo e mala: ko ia ke ke fili ki he mo‘ui ka ke mo‘ui, ‘a koe mo ho hako, ke ‘ofa kia Sihova ko ho ‘Otua, ke fakaongo ki hono le‘o, pea ke pīkitai kiate ia: he ko ia ia ho‘o mo‘ui‘anga, mo e lōloa‘anga ‘o ho ngaahi ‘aho: ka ke nofo ‘i he kelekele na‘e fuakava ai ‘e Sihova ki ho tupu‘anga, kia ‘Epalahame, kia ‘Aisake, pea kia Sēkope, ke ‘atu mo‘onautolu.

he‘eku fekau koe he ‘aho ni ke ‘ofa kia Sihova ko ho ‘Otua, ke fou ‘i hono hala, pea ke tauhi ‘ene ngaahi tu‘utu‘uni, mo fekau, mo konisitūtone, ka ke mo‘ui mo tupu, pea ke tāpuaki‘i koe ‘e Sihova ko ho ‘Otua, ‘i he fonua ‘oku ke ‘alu ki ai ke ma‘u.

Vakai, kuo u tuku ‘i ho ‘ao he ‘aho ni ‘a e mo‘ui mo e lelei, pea mo e mate mo e kovi

Ka ‘oku ofi ‘aupito ‘a e folofola kiate koe, ‘oku ‘i ho ngutu, pea ‘oku ‘i ho loto, ke ke fai ia.

Pea ‘e kamu ho loto ‘e Sihova ko ho ‘Otua, mo e loto ‘o ho hako, ke ‘ofa kia Sihova ko ho ‘Otua ‘aki ‘a e kotoa ‘o ho loto, mo e kotoa ‘o ho laumālie, koe‘uhiā ke ke mo‘ui.

Pea ‘e ‘ai ‘e Sihova ko ho ‘Otua ke ke ope ‘i he lelei, ‘i he ngaahi ngāue kehekehe ‘a ho nima, ‘i he fua ‘o ho manava, mo e fua ‘o ho‘o fanga manu, mo e fua ‘o ho kelekele: he ‘e foki ‘a Sihova ki he‘ene fiefia ke fai lelei ma‘au, hangē ko ‘ene fiefia ‘i ho‘o ngaahi kui

Ka ‘o kapau ‘e hanga kehe ho loto, ‘o ‘ikai te ke fakaongoongo, kae tohoaki koe, mo ke lotu ki ha ngaahi ‘otua kehe, mo tauhi ki ai; ‘oku ou fakapapau kiate kimoutolu he ‘aho ni te mou mātu‘aki mole ai; ‘e ‘ikai fakalahi homou taimi ‘i he kelekele ‘oku mou a‘a ‘i Soatani, ke hū ki ai ‘o ma‘u.

He ko e tu‘utu‘uni ko eni ‘oku ou feia atu he ‘aho ni ‘oku ‘ikai faingata‘a fau ia kiate koe, pea ‘oku ‘ikai mama‘o.

Tala‘ehai ‘oku ‘i he langi, ke ke pehē ai, Ko hai te ne ‘alu hake ki he langi ma‘atautolu ke ‘ohifo kiate kitautolu, ‘o ‘ai ke tau fanongoa, ka tau fai ia?

Pea tala‘ehai ‘oku ‘i he tu‘a tahi, ke ke pehē ai, Ko hai ‘e laka atu ki he tu‘a tahi ma‘atautolu, ‘o ‘omi ia kiate kitautolu, ‘o ‘ai ke tau fanongoa, ka tau fai ki ai?