Popular Bible Verses from KO TEUTALŌNOME 10

Share

Pea ko eni, ‘e ‘Isileli, ko e hā fua ‘a e me‘a ‘oku tangi ki ai ‘e Sihova ko ho ‘Otua meiate koe? ‘a ‘eni pē, ke ‘apasia ki he ‘Eiki ko ho ‘Otua, ke fou ‘i hono ngaahi hala, pea ke ‘ofa kiate ia, pea ke tauhi kia Sihova ko ho ‘Otua ‘aki ‘a e kotoa ‘o ho loto mo e kotoa ‘o ho laumālie. Ke tauhi ‘ene ngaahi tu‘utu‘uni mo ‘ene ngaahi fekau, ‘a ia ‘oku ou fokotu‘u atu he ‘aho ni ma‘ao lelei.

He ko Sihova ko homou ‘Otua ko e ‘Otua ia ‘o e ngaahi ‘otua, pea ko e ‘Eiki ‘o e ngaahi ‘eiki, ko e ‘Otua lahi, ko e Mafi mo e Ngeia, ‘a ia ‘oku ‘ikai te ne hūmataniu.

Ko ia mou kamu homou loto, ‘o ‘oua te mou toe kia kekeva.

Pea ‘oku ‘ikai te ne tali holo. ‘Oku ne fakamaau ‘a e me‘a ‘a e tamai mate mo e uitou, pea ‘oku ne ‘ofa‘i ‘a e muli he‘ene ‘ange ki ai ‘a e me‘akai mo e kofu.

Ko ia pē ho vīkiviki‘anga, pea ko ia pē ho ‘Otua, ‘a ia kuo ne feia ma‘au ‘a e ngaahi me‘a lalahi mo fakangeingei ni, ‘a ia kuo māta‘i ‘e ho mata na.

Ko Sihova ko ho ‘Otua te ke ‘apasia ki ai; ko ia ia te ke tauhi ki ai; pea ko ia ia te ke piki ki ai, pea ko hono huafa te ke fuakava ai.

Vakai, ‘oku ‘o Sihova ko ho ‘Otua ‘a e langi, ‘io, ‘a e langi ‘o e ngaahi langi, ‘a e fonua mo e me‘a kotoa ‘oku ‘i ai.

Ko ia mou ‘ofa ki he muli: he na‘a mou nofo muli ‘i ‘Isipite.