Popular Bible Verses from Tīmoté 1 2

Share

He ‘oku taha pē ‘a e ‘Otua, taha foki ‘a e Fakalaloa ‘i he vaha‘a ‘o e ‘Otua mo e tangata, ko Kalaisi Sīsū ko e tangata. ‘A ia na‘a ne foaki ia ‘e ia ko e fetongi huhu‘i ‘o e kakai kotoa pē, kae toki fai hono fakamatala ‘i hono ngaahi kuonga totonu.

KO IA, ‘oku ou fuofua enginaki ‘a e fai ‘o e ngaahi hū, mo e lotu, mo e hufekina, mo e fakafeta‘i, koe‘uhi ko e kakai kotoa pē. Koe‘uhi ko e ngaahi tu‘i, mo kinautolu kotoa pē ‘oku mā‘olunga, koe‘uhi pē ke malu ‘etau mo‘ui, mo fiemālie, ‘o tau mātu‘aki fai fakalotu mo anga māopo.

Ko ia, ko hoku loto ke fai lotu ‘e he kau tangata ‘i he potu kehekehe, ‘o hiki hake ‘a e nima ma‘a, ‘o ta‘eha ‘ita pe ha tāla‘a. Pehē foki, ko hoku loto ki he kau fefine, ke nau teu ‘aki kinautolu ‘a e kofu ‘oku ngali ke ‘ai, pea ō mo e anga mā mo e anga fakama‘uma‘u: ‘o ‘oua ‘e fai‘aki ‘a e fafatu ‘o e lou‘ulu, pe ko e koula mo e mata‘itofe mo e kofu mahu‘inga. Ka nau fai ke teunga‘ia ‘i he ngaahi ngāue lelei, ‘a ia ko e me‘a ‘oku taau mo e kau fefine ‘oku nau lāvutu ke tauhi ki he ‘Otua.