Popular Bible Verses from KO 1 SĀMIUELA 2

Share

‘Oku ‘ikai ha mā‘oni‘oni hangē ko Sihova; He ‘oku ‘ikai ke ua ‘aki ‘a e ‘Afiona: Pea ‘oku ‘ikai ha makatu‘u hangē ko hotau ‘Otua.

‘Oku ne fokotu‘u mei he efu ‘a e lāuvale, ‘Oku ne hiki masiva mei he tu‘unga veve, ‘O ne ‘ai ke nau nonofo mo e hou‘eiki na, Pea ke tofi‘a ‘aki ‘a e taloni lāngilangi‘ia: He ‘oku ‘a e ‘Eiki ‘a e ngaahi pou ‘o māmani, Pea kuo ne hilifaki ‘a e fonua ki ai.

Te ne tauhi ‘a e va‘e ‘o ‘ene kau lotu mo‘oni, Ka ‘e fakasīlongo ‘i he po‘uli ‘a e kakai kovi: He ‘e ‘ikai ikuna ha taha ‘aki hono mālohi.

‘Oku fakamasiva ‘e Sihova, pea ‘oku ne fakamo‘umo‘ua, ‘Oku ne fakatōkilalo, pea ko ia foki ‘oku ne fakatau‘olunga.

‘Oku tāmate‘i ‘e Sihova, ‘oku ne fakaola foki: ‘Oku ne ‘ohifo ki Hētesi, pea ne fokotu‘u mei ai.