Popular Bible Verses from Kolinitō 1 15

Share

Ko ia, si‘oku kāinga ‘ofa‘anga, ke mou tu‘u ma‘u, ta‘engaue, ‘o mou tupulekina ma‘u ai pē ‘i he ngāue ‘a e ‘Eiki: ‘i ho‘omou ‘ilo ni, ko e me‘a ki he ‘Eiki, ko ho‘omou fakaongosia ‘oku ‘ikai ko e laufanō ia.

Kae fakafeta‘i ki he ‘Otua, he‘ene tuku mai ke tau ikuna ‘i hotau ‘Eiki ko Sīsū Kalaisi!

‘Oua na‘a tuku ke kākaa‘i kimoutolu. “Oku maumau‘i ‘a e ngaahi ‘ulungāanga lelei ‘e he fa‘a talanoa kovi.”

Ka ko e kelesi ‘a e ‘Otua kuo u hoko ai ki he me‘a kuo u hoko ki ai ni: pea ko ‘ene kelesi ko ia na‘e ngāue mai, na‘e ‘ikai ta‘e‘aonga ia; kaekehe, na‘e hulu atu ‘eku fakafitefita‘a ‘iate kinautolu na kotoa: ka tala‘ehai ko au na‘e fai, ka ko e kelesi ‘a e ‘Otua ‘a ia na‘a ma kau.

‘E Mate, kofa‘ā ho‘o ikuna na? ‘E Mate, kofa‘ā ho‘o huhu na? Ko e huhu ‘a e mate ko e angahala, pea ko e mālohinga ‘o e angahala ko e lao.

‘Ē! kau tala atu ha misiteli; ‘e ‘ikai te tau mohe kotoa pē, ka te tau liliu kotoa pē, ‘i ha fo‘i mōmeniti, ‘i ha fo‘i kemo pē, ‘i he ifi fakamui ‘o e talupite: ‘io, ‘e ifi ‘a e talupite, pea ‘e fokotu‘u ‘a e pekia, ‘o ta‘efa‘a‘auha, pea ko kitautolu ‘e liliu.

He ko e me‘a ‘i he fou mai ‘i ha tangata ‘a e mate, pea fou mai ‘i ha tangata foki ‘a e toetu‘u ‘o e pekia. ‘Io, hangē tofu pē ‘oku mate kotoa pē ‘ia ‘Ātama, pehē foki ‘e fakamo‘ui hake kotoa pē ‘ia Kalaisi.

He kuo pau ke ‘ai ‘e he me‘a ‘auha ni ‘a e ta‘efa‘a‘auha, pea ke ‘ai ‘e he me‘a mate ni ‘a e ta‘efa‘amate.

He kuo pau pē ke ne Hau, kae‘oua ke ne tuku ‘a e fili kotoa pē ki hono lalo va‘e. Tā kuo fakaka‘anga mo e fili fakamui, ‘a Mate