Popular Bible Verses from كُورِنْثُوسْ الثَّانْيَة 4

Share

هَاذَاكَا عْلَاشْ مَا نْرَكْزُوشْ عَالأُمُورْ الِّي نْشُوفُوهَا، آمَا نْرَكْزُوا عَالْأُمُورْ الِّي مَا نْشُوفُوهَاشْ. عْلَى خَاطِرْ الِّي نْشُوفُوهْ وَقْتِي، آمَا الِّي مَا نْشُوفُوهِشْ يْدُومْ لِلْأَبَدْ.

هَاذَاكَا عْلَاشْ مَا نْأَيْسُوشْ. رَغْمِلَّي بْدَنَّا قَاعِدْ يِفْنَى، آمَا مِنْ دَاخِلْ قَاعْدِينْ نِتْجَدْدُّوا نْهَارْ بَعْدْ نْهَارْ. عْلَى خَاطِرْ الضِّيقْ الِّي نْعَانِيوْ فِيهْ هُوَّ وَقْتِي وبْسِيطْ، آمَا يْحَضْرِلْنَا فِي مَجْدْ عْظِيمْ مَا يِفْنَاشْ.

تْضِيقْ بِينَا الدِّنْيَا مِالجِّيهَاتْ الكُلْ آمَا مَا نِتْغِلْبُوشْ، نْحِيرُوا آمَا مَا نْأَيْسُوشْ، يِضْطَهْدُونَا النَّاسْ آمَا اللَّهْ مَا يْخَلِّينَاشْ، يُضُرْبُونَا آمَا مَا نْمُوتُوشْ.

ومَانَا إِلَّا مَاعُونْ فُخَّارْ هَازْ الكِنْزْ هَاذَا، وهَاذَا يْبَيِّنْ الِّي القُوَّة العْظِيمَة هَاذِي جَايَة مِنْ عَنْدْ اللَّهْ، مُشْ مِنْ عَنْدْنَا.

عْلَى خَاطِرْ رَئِيسْ العَالِمْ هَاذَا عْمَى عْقُولْ الِّي مَاهُمْشْ مُؤْمْنِينْ بَاشْ مَا يْشُوفُوشْ نُورْ البْشَارَة الِّي تْبَيِّنْ مَجْدْ المَسِيحْ، الِّي هُوَّ صُورَة صَادْقَة عْلَى طَبِيعِةْ اللَّهْ.

واللَّهْ الِّي قَالْ: «خَلِّي يِضْوِي نُورْ مِالظْلَامْ» هُوَّ بِيدُو الِّي نَوِّرْ فِي قْلُوبْنَا بَاشْ عْرَفْنَا مَجْدْ اللَّهْ، الظَّاهِرْ فِي وِجْهْ يَسُوعْ المَسِيحْ.