Popular Bible Verses from Lom 13

Share

A꞉la꞉do꞉ mo꞉dimidaki, Alan Ya꞉su Keliso eyo꞉ gili mela꞉no꞉wo꞉ go꞉lula꞉fo꞉li bo꞉fo꞉melea꞉ki ta꞉foma. A꞉la꞉ta꞉ga꞉ do꞉mo꞉wa꞉lo꞉ sagalan man mogago꞉ a꞉no꞉ kudu ha꞉na꞉no꞉wo꞉ fogo꞉ dimia꞉so꞉bo.

Gio꞉ mewa꞉l dimia꞉no꞉wo꞉ da꞉lalega, bo꞉bo꞉ge dimia꞉bi. Mewa꞉l dimia꞉no꞉wo꞉ gio꞉ kedefa꞉ib ko꞉sega, nol o꞉lia꞉lo꞉ ha꞉fo꞉ disa꞉lan a꞉no꞉ mo꞉elema꞉ib. Kaluka꞉isale abeyo꞉ nol o꞉lia꞉yo꞉ ha꞉fo꞉wo꞉ disa꞉lalega, e ele saefa꞉ a꞉no꞉ tambo kudu ha꞉naki ilili alitakigab.

Gio꞉ tambo gamani bo꞉fo꞉lowan kalu a꞉ma꞉ ha꞉ga dowaki, ini towo꞉ dinafa da꞉da꞉bi. I a꞉no꞉ inin halaido꞉wa a꞉la꞉ta꞉ga꞉yo꞉ mo꞉fa꞉la꞉dowo꞉. Gode eyo꞉ i a꞉no꞉ tambo da꞉fea꞉sa꞉ga꞉yo꞉, nanog a꞉no꞉ imo꞉ dima꞉ki ta꞉fo꞉.

Sololi we eda꞉ga꞉ ha꞉naki, ho꞉lendeyo꞉ ko꞉na꞉ma fa꞉la꞉doma꞉nigab. A꞉la꞉fo꞉ko꞉lo꞉ niliyo꞉ sololiya꞉ ene man dimida꞉sen a꞉no꞉ ta꞉ta꞉sa꞉ga꞉, buban kelego꞉ a꞉no꞉ kagedelia꞉ga꞉lo꞉ dowan aumbo꞉, ho꞉lena꞉ man nafa a꞉no꞉ kagedelia꞉ga꞉ mela꞉niki.

Ha꞉fo꞉ disa꞉lan man a꞉ma꞉yo꞉ iasi kaluka꞉isaleyo꞉ mo꞉mogagila꞉ma꞉ib. A꞉la꞉fo꞉ko꞉lo꞉ kaluka꞉isale abeyo꞉ ha꞉fo꞉ disa꞉lan man o꞉lo꞉ kudu ha꞉na꞉lab a꞉no꞉, ele difa꞉ nolo꞉ tambo eyo꞉ kudu ha꞉nakigab.

A꞉la꞉fo꞉ko꞉lo꞉ gamani kalumo꞉lo꞉ dimia꞉no꞉wo꞉ dowa꞉lalega, a꞉no꞉ dimia꞉bi. Takis a꞉no꞉ dimia꞉no꞉wo꞉ dowa꞉lalega dimia꞉bi. Wilo꞉ dowab a꞉la꞉sa꞉ma꞉no꞉wo꞉ dowa꞉lalega, kalu emo꞉wo꞉ molo asula꞉bi. A꞉la꞉ta꞉ga꞉ wi alan sa꞉ma꞉no꞉lo꞉ dowab o꞉mo꞉wo꞉, e wabulu sa꞉la꞉lubi.