Popular Bible Verses from Iliga꞉felo꞉ 5

Share

To a꞉no꞉ da꞉da꞉sa꞉ga꞉, Bida o꞉lia꞉ iliga꞉felo꞉ kalu i nol a꞉ma꞉yo꞉ towo꞉ a꞉la꞉sio꞉, “Niliyo꞉ kaluwa꞉ towo꞉ mo꞉kudu ha꞉na꞉no꞉ ko꞉sega, Godeya꞉ Ene toleyo꞉ ko꞉lo꞉ mada kudu ha꞉na꞉no꞉.

A꞉la꞉ta꞉ga꞉ Godeya꞉ malilo꞉ ayamio꞉lo꞉, kaluka꞉isaleya꞉ ayamio꞉lo꞉ Godeya꞉ ene to nafa widakiyo꞉, Ya꞉su e, Godeya꞉ Enedo꞉ Da꞉feyo꞉ kaluwo꞉ e a꞉la꞉liki iliyo꞉ ho꞉leno꞉ tambo wida꞉li sia꞉liki mo꞉edo꞉.

Emo꞉ dimiabiki, Bida eyo꞉ emo꞉wo꞉ a꞉la꞉sio꞉, “Ananaias, asulo꞉ gilo꞉wo꞉ Sa꞉da꞉na꞉ya꞉ bo꞉fo꞉melea꞉ki fogo꞉ dimi ko꞉lo꞉, giyo꞉ Godeya꞉ Mamayo꞉ a꞉na dikili sa꞉lakiyo꞉, moleyo꞉ hebo꞉ go꞉no꞉ndo꞉ kanulu difa꞉ a꞉no꞉, waga asulaki dimido꞉wo꞉? Giyo꞉ heno꞉ semo꞉kilili amio꞉, hen a꞉no꞉ hendele ga꞉no꞉ ko꞉lo꞉, kililia꞉sa꞉ga꞉ mole di a꞉no꞉ gilo꞉ asulab aumbo꞉ o꞉li dimidama꞉no꞉ dowo꞉. A꞉la꞉fo꞉ko꞉lo꞉, giyo꞉ dikilima꞉no꞉ a꞉la꞉likiyo꞉ waga asulaki sa꞉laya? Madalilo꞉ sa꞉lab ko, giyo꞉ kaluwo꞉ ko꞉lo꞉ dikidaba. Godeyo꞉ ko꞉lo꞉ dikili sa꞉lab.” Ananaias e to a꞉no꞉ da꞉da꞉sa꞉ga꞉, elo꞉ elen a꞉naka sulufo꞉ tina꞉sa꞉ga꞉ sowo꞉ ko꞉lo꞉, kalu nolo꞉ to a꞉no꞉ da꞉da꞉sa꞉ga꞉yo꞉, tagio꞉ alan dowo꞉.

A꞉la꞉fo꞉ko꞉lo꞉ o꞉gdo꞉ fa꞉la꞉dowab we gio꞉ asula꞉bi. Ililo꞉ dimidab we, inin asulo꞉wa fa꞉la꞉dowa꞉sa꞉ga꞉ dimidabo꞉lalega, ililo꞉ dimidama꞉no꞉ asulab a꞉no꞉ madali wala꞉ma꞉ib. Ko꞉sega nanog a꞉no꞉ Godelo꞉wa a꞉la꞉ta꞉ga꞉ mio꞉lalega, giliyo꞉ ililo꞉ nanog diab a꞉no꞉ mada mo꞉ka꞉ma꞉ib. Giliyo꞉ ko꞉lo꞉ ka꞉ma꞉no꞉ susialega, gio꞉ Gode o꞉lia꞉ bubaki auma꞉ib. A꞉la꞉fo꞉ko꞉lo꞉ giliyo꞉ mogago꞉ imili nowo꞉ i o꞉lia꞉yo꞉ mo꞉dimidaki, iyo꞉ ga꞉li melea꞉ki ta꞉ta꞉bi.”