Popular Bible Verses from Iliga꞉felo꞉ 3

Share

A꞉la꞉fo꞉ko꞉lo꞉ Gode eyo꞉ gili mogago꞉ dimida꞉sen a꞉no꞉ hala꞉ma꞉ki, gio꞉ mogago꞉wo꞉ ta꞉ta꞉sa꞉ga꞉, Godelo꞉loba꞉da꞉ nodoma. Gode eyo꞉ Enedo꞉ da꞉feyo꞉ kalu, Ya꞉su E a꞉ma꞉la꞉ iliga꞉talikiyo꞉, Alan a꞉no꞉ gi o꞉lia꞉ siliki, ha꞉salo꞉ mesa꞉no꞉ ho꞉len nafale a꞉no꞉ gimo꞉wo꞉ dimina꞉ki, gio꞉ asugo꞉ nodoma.

Ko꞉sega Bida eyo꞉ emo꞉wo꞉ a꞉la꞉sio꞉, “Ne mole imilig nowo꞉ mada aundo꞉ma ko꞉sega, nilo꞉ da꞉lab we gemo꞉ dimia꞉nigo꞉l. Nasala꞉t kalu, Ya꞉su Kelisowa꞉ wi halaido꞉ a꞉na ilikiyo꞉, ge dasilia꞉ga꞉ hamana!”

Bida eyo꞉ a꞉la꞉sa꞉la꞉sa꞉ga꞉, e dasilima꞉ki, dagi ililiba꞉ gasiliabiki, wigibo a꞉naka kalu a꞉ma꞉ gib o꞉lia꞉ giba꞉ kagoman o꞉lia꞉yo꞉ halaido꞉ dowabiki, ho꞉lu ya꞉ba꞉sa꞉ga꞉ e a꞉na ane. A꞉la꞉ta꞉ga꞉ egele Godeya꞉ malilo꞉ a usa ti ha꞉nakiyo꞉, e sagala꞉liki, ho꞉lu yabala꞉liki a꞉la꞉i siaki, Godeyo꞉ ko꞉lo꞉ wabulu sa꞉la꞉li ane.

A꞉la꞉fo꞉ko꞉lo꞉ kalu gilo꞉ ba꞉da꞉sen we, e Ya꞉suwa꞉ wiya tilida꞉dakiyo꞉, ene tilidabu a꞉ma꞉yo꞉ e falele alifa꞉. Ya꞉suwa꞉ wi o꞉lia꞉, tilidabu eya a꞉la꞉ta꞉ga꞉lo꞉ mio꞉ o꞉lia꞉ma꞉yo꞉ e falele alifa꞉ ko꞉lo꞉ o꞉go꞉ e ga꞉li sabikiyo꞉, gio꞉ tambo ba꞉dab.