Popular Bible Verses from Iliga꞉felo꞉ 17

Share

Henfelo꞉ kaluka꞉isale tambowa꞉yo꞉ Gode e kelelia꞉ga꞉yo꞉ fa꞉la꞉doma꞉ki, kaluwo꞉ a꞉na dimido꞉. A꞉la꞉fo꞉ ko꞉sega, Gode e ni o꞉lia꞉yo꞉ ko꞉na꞉lo꞉ mo꞉a꞉lab.

Gode eyo꞉ mela꞉no꞉ meho꞉ o꞉lia꞉ kelego꞉ henfelo꞉ amilo꞉ a꞉lab we tambo kaluka꞉isalemo꞉ dimi ko꞉lo꞉, Gode e halaido꞉wo꞉ o꞉li ko꞉lo꞉lab. A꞉la꞉fo꞉ko꞉lo꞉ kaluka꞉isaleya꞉yo꞉ Gode e ko꞉lo꞉ a꞉asuwa꞉fa꞉no꞉wo꞉ mo꞉ililo꞉. Tamin amio꞉ Godeya꞉ kalu imilig nowo꞉ dimido꞉ ko꞉lo꞉ o꞉go꞉ henfelo꞉ amilo꞉ kaluka꞉isale ko꞉li ko꞉lilo꞉ sab we a꞉na fa꞉la꞉dowo꞉. Kaluka꞉isale a꞉no꞉ semo꞉fa꞉la꞉dowo꞉ amio꞉, Gode eyo꞉ hen ililo꞉wo꞉ ele alifela꞉sa꞉ga꞉, ho꞉len a꞉na doma꞉ib a꞉la꞉bo꞉ dinali da꞉fe salifelo꞉ ko꞉lo꞉lab.

“Gode wema꞉yo꞉ henfelo꞉wo꞉ dimida꞉sa꞉ga꞉, mela꞉no꞉lo꞉ a꞉labo꞉ tambowo꞉ e dimida꞉sa꞉ga꞉ ta꞉fo꞉. Gode we henfelo꞉wo꞉lo꞉, akino꞉lo꞉ eneno꞉ biso꞉ a꞉la꞉liki bo꞉fo꞉lab ko꞉lo꞉, e gulugululan a, kaluwa꞉ dagiya꞉lo꞉ dimido꞉ a꞉namio꞉ mo꞉ta꞉sen.

Gode eyo꞉ henfelo꞉ kaluka꞉isalelo꞉ mo꞉walilima꞉no꞉wo꞉ ho꞉len imilig nowo꞉ da꞉fe alifa꞉ ko꞉lo꞉lab. A꞉la꞉ta꞉ga꞉ eyo꞉ digalelo꞉ mo꞉walilima꞉no꞉ kalu nowo꞉ da꞉feyo꞉ ko꞉lo꞉, Gode eyo꞉ kalu we nanogo꞉ o꞉li dimidama꞉ib a꞉la꞉liki widakiyo꞉, e sowo꞉ a꞉no꞉ a꞉ma꞉la꞉ a꞉dasi alifa꞉.” Fo꞉l eyo꞉ a꞉la꞉wido꞉.

“A꞉la꞉fo꞉ko꞉lo꞉ nio꞉ Godeya꞉ ene so꞉wa ko꞉lo꞉ Gode e, gode madali u amilo꞉ dagiya꞉lo꞉ dimido꞉ o꞉ma꞉le a꞉la꞉bo꞉ asula꞉so꞉bo. E kaluwa꞉ asulo꞉wa꞉lo꞉ dimido꞉ go꞉lo꞉ o꞉ silbayo꞉ o꞉ngo꞉ma.